കഴിഞ്ഞ മുപ്പത് വര്‍ഷമായി എറണാകുളം ഹൈകോര്‍ട്ട് ജംഗ്ഷനില്‍ സര്‍ബത്ത് കട നടത്തുകയാണ് മുളവുകാട് സ്വദേശിയായ ഷാജിയും ഭാര്യ സുലേഖയും. ആദ്യം നാരങ്ങവെള്ളം വില്‍ക്കുന്ന കടയായാണ് കച്ചവടത്തിന്റെ തുടക്കം. 60 പൈസയായിരുന്നു അന്നത്തെ ഒരു നാരങ്ങ വെള്ളത്തിന്റെ വില. പിന്നീട് കുലുക്കി സര്‍ബത്തിന്റെ വരവോടെ നാരങ്ങ വെള്ളത്തില്‍ നിന്നും കുലുക്കിയിലേയ്ക്ക് ഷാജിയും ചുവടുമാറ്റി. ഇന്ന് 12 മുതല്‍ 15 രൂപയ്ക്കാണ് നാരങ്ങ കുലുക്കി നല്‍കുന്നത്. സാധങ്ങള്‍ക്ക് വില കൂടുന്നതിനും കുറയുന്നതിനും അനുസരിച്ച് കുലുക്കിയുടെ വിലയിലും മാറ്റങ്ങള്‍ വരുത്തും.