ഡൽഹി മദ്യനയ കേസുമായി ബന്ധപ്പെട്ട് ബി ആർ എസ് നേതാവും തെലങ്കാന മുഖ്യമന്ത്രി കെ ചന്ദ്രശേഖർ റാവുവിന്‍റെ മകളുമായ കെ കവിതയെ ഇ ഡി ഇന്ന് ചോദ്യം ചെയ്തേക്കും. ഇന്നലെ രാത്രിയാണ് കവിത ഡൽഹിയിലെത്തിയത്. കവിതയ്‌ക്കൊപ്പം ബി ആർ എസ് നേതാക്കളും അഭിഭാഷക സംഘവും ഉണ്ടെന്നാണ് റിപ്പോർട്ട്. രണ്ടാം ഘട്ട ചോദ്യംചെയ്യലിനായി വ്യാഴാഴ്ച ഹാജരാകണമെന്ന് ആവശ്യപ്പെട്ടെങ്കിലും കവിത ഇ ഡിക്ക് മുന്നിൽ ഹാജരായില്ല. ബി ആർ എസ് ജനറൽ സെക്രട്ടറി സോമഭാരത് കുമാറാണ് കവിതക്ക് പകരം ഇ ഡിക്ക് മുന്നിൽ ഹാജരായത്. ഇ ഡി ആവശ്യപ്പെട്ട രേഖകൾ സോമ ഭാരത് കൈമാറിയിരുന്നു. തുടർന്ന് മാർച്ച് 20ന് ഹാജരാകണമെന്ന് ആവശ്യപ്പെട്ട് ഇ ഡി കവിതക്ക് സമൻസ് അയച്ചു.
By Firdousy E R
വോക്ക് മലയാളത്തില്‍ ഡിജിറ്റല്‍ ജേര്‍ണലിസ്റ്റ് ട്രെയ്‌നി. ജീവന്‍ ടി വിയില്‍ പ്രവര്‍ത്തന പരിചയം.