ഫിഫ ലോകകപ്പിന്റെ ഫൈനല്‍ സമയത്ത് ഗൂഗിളിന്റെ സെര്‍ച്ച് ട്രാഫിക് 25 വര്‍ഷത്തിനിടയിലെ ഏറ്റവും ഉയര്‍ന്നതായിരുന്നുവെന്ന് ഗൂഗിള്‍ സിഇഒ സുന്ദര്‍ പിച്ചൈ. ലോകം മുഴുവന്‍ ഒരു കാര്യത്തെക്കുറിച്ച് അന്വേഷിക്കുന്നത് പോലെയായിരുന്നു അതെന്നും അദ്ദേഹം പറഞ്ഞു. ഗൂഗിളിനെ സംബന്ധിച്ചിടത്തോളം ഇതൊരു റെക്കോര്‍ഡ് നേട്ടമാണെന്നും അദ്ദേഹം ട്വീറ്റ് ചെയ്തു.
‘ഏറ്റവും മികച്ച കളികളില്‍ ഒന്നായിരുന്നു. ഫ്രാന്‍സും അര്‍ജന്റീനയും നന്നായി കളിച്ചു. മെസിയെക്കാള്‍ ഇതിന് അര്‍ഹതയുള്ള വേറെ ആരുമില്ല.’, സുന്ദര്‍ പിച്ചൈ ട്വീറ്റ് ചെയ്തു.