ബംഗ്ലാദേശിനെതിരായ ക്രിക്കറ്റ് ടെസ്റ്റിന് പിന്നാലെ ഐസിസി റാങ്കിങ്ങിൽ മുന്നേറി ആർ അശ്വിനും ശ്രേയസ് അയ്യരും. മോശം ഫോമിൽ തുടരുന്ന വിരാട് കോലി ബാറ്റിങ് റാങ്കിങ്ങിൽ പിന്നോട്ടായി. ബൗളർമാരുടെ റാങ്കിങ്ങിൽ ഒരു സ്ഥാനം മെച്ചപ്പെടുത്തി അശ്വിൻ ഇന്ത്യയുടെ ജസ്‌പ്രീത് ബുംറയ്ക്കൊപ്പം നാലാമതെത്തി.
880 പോയന്റുള്ള ഓസ്‌ട്രേലിയയുടെ പാറ്റ് കമ്മിൻസാണ് ഒന്നാമത്. ബംഗ്ലാദേശിനെതിരേ രണ്ടാം ടെസ്റ്റിൽ ആറ് വിക്കറ്റുകളാണ് അശ്വിൻ വീഴ്ത്തിയത്. ബാറ്റിങ്ങിൽ പത്തു സ്ഥാനങ്ങൾ മെച്ചപ്പെടുത്തി ശ്രേയസ് അയ്യർ 16-ാമതെത്തി. രോഹിത് ശർമ ഒമ്പതാമതും ഋഷഭ് പന്ത് ആറാമതുമുണ്ട്.