ട്വിറ്റര്‍ സിഇഒ സ്ഥാനം ഒഴിയുമെന്ന് പ്രഖ്യാപിച്ച് ഇലോണ്‍ മസ്‌ക്. ട്വിറ്ററിലൂടെയാണ് മസ്‌ക് ഇക്കാര്യം അറിയിച്ചത്. ട്വിറ്റര്‍ മേധാവി സ്ഥാനം താന്‍ ഒഴിയണോ വേണ്ടയോ എന്ന് മസ്‌ക് നടത്തിയ വോട്ടെടുപ്പില്‍ പരാജയപ്പെട്ടതിനെ തുടര്‍ന്നാണ് രാജി പ്രഖ്യാപനം.
ട്വിറ്റര്‍ സിഇഒ സ്ഥാനം ഏറ്റെടുക്കാന്‍തക്ക വിഡ്ഢിയായ ഒരാളെ കണ്ടെത്തിയാല്‍ ഉടന്‍ രാജി വെയ്ക്കുമെന്നും അതിന് ശേഷം സോഫ്റ്റ്‌വെയര്‍, സര്‍വര്‍ ടീമിന്റെ പ്രവര്‍ത്തനത്തിന് മാത്രം നേതൃത്വം നല്‍കുമെന്നും ഇലോണ്‍ മസ്‌ക് ട്വിറ്ററില്‍ കുറിച്ചു.