ബോളിവുഡ് താരം സൽമാൻ ഖാനെതിരെ ഭീഷണിയുമായി അധോലോക നേതാവ് ലോറൻസ് ബിഷ്ണോയി. തുടർന്ന് താരത്തിന് കനത്ത സുരക്ഷ ഏർപ്പെടുത്തി. എ ബി പി ന്യൂസിന് നൽകിയ അഭിമുഖത്തിലാണ് ലോറൻസ് ബിഷ്ണോയിയുടെ ഭീഷണി. കൃഷ്ണമൃഗത്തെ വേട്ടയാടി കൊന്ന സംഭവത്തിൽ താനുൾപ്പെടെയുള്ള ബിഷ്ണോയി സമുദായം സൽമാനോട് കടുത്ത ദേഷ്യത്തിലാണെന്നും തങ്ങളുടെ ക്ഷേത്രങ്ങൾ സന്ദർശിച്ച് സൽമാൻ ഖാൻ മാപ്പുപറയണമെന്നും ഇല്ലെങ്കിൽ അനന്തരഫലം അനുഭവിക്കേണ്ടി വരുമെന്നുമായിരുന്നു ബിഷ്ണോയി പറഞ്ഞത്. തന്നെ വെറുതെ വിടാൻ നടൻ പണം വാഗ്ദാനം ചെയ്തിരുന്നുവെന്നും എന്നാൽ പണമല്ല ആവശ്യമെന്നും ബിഷ്ണോയി കൂട്ടിച്ചേർത്തു. പഞ്ചാബി പോപ് ഗായകൻ സിദ്ധു മൂസെവാലയെ കൊലപ്പെടുത്തിയ കേസിലെ മുഖ്യപ്രതിയാണ് ലോറൻസ് ബിഷ്ണോയി. ജനശ്രദ്ധ നേടാനല്ല സൽമാനെ താക്കീത് ചെയ്യുന്നതെന്നും അതിനായിരുന്നെങ്കിൽ ജുഹുവിൽ ചെന്ന് ഏതെങ്കിലും ബോളിവുഡ് പ്രമുഖനെ കൊല്ലാൻ തങ്ങൾക്ക് കഴിയുമായിരുന്നുവെന്നും ലോറൻസ് അഭിമുഖത്തിൽ പറഞ്ഞിരുന്നു.
By Firdousy E R
വോക്ക് മലയാളത്തില്‍ ഡിജിറ്റല്‍ ജേര്‍ണലിസ്റ്റ് ട്രെയ്‌നി. ജീവന്‍ ടി വിയില്‍ പ്രവര്‍ത്തന പരിചയം.