കൊട്ടാരക്കര:
മലമേൽ ടൂറിസത്തെ ജൈവവൈവിധ്യ ടൂറിസം സർക്യൂട്ടിൽ ഉൾപ്പെടുത്തണമെന്ന് വാളകം റെഡ്സ്റ്റാർ നവമാധ്യമ കൂട്ടായ്മ വാർഷിക സമ്മേളനം ആവശ്യപ്പെട്ടു. സമ്മേളനം ധനമന്ത്രി കെ എൻ ബാലഗോപാൽ ഓൺലൈനായി ഉദ്ഘാടനംചെയ്തു. അജിതൻ തടിക്കാട് അധ്യക്ഷനായി.
ബിനു കെ ബേബി രക്തസാക്ഷി പ്രമേയവും ബീന ഉദയൻ അനുശോചന പ്രമേയവും ജി രംഗനാഥൻ പ്രവർത്തന റിപ്പോർട്ടും എം ശബരിനാഥ് കണക്കും അവതരിപ്പിച്ചു. പി എസ് സുപാൽ എംഎൽഎ വിദ്യാഭ്യാസ അവാർഡ്‌ നൽകി. സിപിഐ എം ജില്ലാ സെക്രട്ടറിയറ്റ് അംഗം എസ് ജയമോഹൻ, പി അയിഷാപോറ്റി, റെജി ആക്കാട്ട്, ജിൻസ് ലൂക്കോസ്, എ മനോഹരൻ, ജോൺകുട്ടി ജോർജ്‌, സന്തോഷ് ജോർജ്‌ എന്നിവർ സംസാരിച്ചു.
സമാപന സമ്മേളനം ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനംചെയ്തു. ബ്ലോക്ക് പഞ്ചായത്ത്അംഗം ബെൻസി റെജി അധ്യക്ഷയായി. ആർ കെ അരുൺലാൽ, കെ സി ജോസ് എന്നിവർ സംസാരിച്ചു.കോട്ടാത്തല സുരേന്ദ്രൻ സ്മാരകത്തിൽ നിന്നാരംഭിച്ച കൊടിമര ജാഥ സിപിഐ എം കൊട്ടാരക്കര ഏരിയ സെക്രട്ടറി പി കെ ജോൺസൺ ഉദ്ഘാടനംചെയ്തു.