Fri. Mar 29th, 2024
വാഷിങ്​ടൺ:

ജീവനക്കാരിക്ക്​ അനുചിതമല്ലാത്ത ഇ-മെയിൽ അയച്ചതിന്​ 2008ൽ മൈക്രോസോഫ്​റ്റ്​ സഹസ്​ഥാപകൻ ബിൽ ഗേറ്റ്​സിനെ കമ്പനി താക്കീതു ചെയ്​തിരുന്നതായി വാൾസ്​ട്രീറ്റ്​ ജേണൽ റിപ്പോർട്ട്​. 2007ൽ ബിൽ ഗേറ്റ്​സ്​ ജീവനക്കാരിയുമായി നിരന്തരം ചാറ്റ്​ ചെയ്യുകയും കാണാൻ ക്ഷണിക്കുകയും ചെയ്​തിരുന്നുവെന്നാണ്​ റിപ്പോർട്ട്​.

ഇ-മെയിലുകൾ ശ്രദ്ധയിൽപെട്ടതിനെ തുടർന്ന്​ അന്നത്തെ മൈക്രോസോഫ്​റ്റ്​ ജനറൽ കോൺസലും ഇപ്പോഴത്തെ പ്രസിഡൻറുമായ ബ്രാഡ്​ സ്​മിത്തും മറ്റൊരു ഉദ്യോഗസ്​ഥനുമാണ്​ താക്കീതു നൽകിയത്​. ജീവനക്കാരിയുമായി മറ്റു​ തരത്തിലുള്ള ബന്ധമില്ലാത്തതിനാലാണ്​ കമ്പനി കൂടുതൽ നടപടികൾക്ക്​ മുതിരാതിരുന്നത്​.

ആരോപണം ബിൽ ഗേറ്റ്​സിൻ്റെ ഓഫിസ്​​ തള്ളി. 2008ൽ മൈക്രോസോഫ്​റ്റിൻ്റെ പ്രസിഡൻറ്​ സ്ഥാനമൊഴിഞ്ഞ ബിൽ​ ഗേറ്റ്​സ്​ 2020 മാർച്ച്​ വരെ ബോർഡ്​ ഡയറക്​ടറായി തുടർന്നു.