ഒളിച്ചു കളി തുടർന്ന് നരഭോജി കടുവ

ഗൂ​ഡ​ല്ലൂ​ർ:

ന​ര​ഭോ​ജി ക​ടു​വ​യെ പി​ടി​കൂ​ടാ​നു​ള്ള തി​ര​ച്ചി​ൽ പ​തി​നൊ​ന്നാം ദി​വ​സം പി​ന്നി​ട്ടു. കൊ​ല്ല​രു​തെ​ന്നും മ​യ​ക്കു​വെ​ടി​വെ​ച്ച് ജീ​വ​നോ​ടെ പി​ടി​കൂ​ട​ണ​മെ​ന്നു​മാ​വ​ശ്യ​പ്പെ​ട്ട് ചെ​ന്നൈ ഹൈ​കോ​ട​തി​യി​ൽ പൊ​തു താ​ൽ​പ​ര്യ ഹ​ർജി ന​ൽ​കി​യ​തോ​ടെ കോ​ട​തി​യും ഇ​തം​ഗീ​ക​രി​ച്ച് ഉ​ത്ത​ര​വി​ട്ടി​രി​ക്കു​ക​യാ​ ഇ​തോ​ടെ നേ​രി​ട്ട് ക​ണ്ടാ​ൽ​പോ​ലും വെ​ടി​വെ​ച്ചി​ടാ​ൻ പ​റ്റാ​ത്ത സ്ഥി​തി​യാ​യി.

മസി​ന​ഗു​ഡി ഭാ​ഗ​ത്തു​ത​ന്നെ ക​ടു​വ​യു​ണ്ടെ​ന്നാ​ണ് വ​ന​പാ​ല​ക​ർ പ​റ​യു​ന്ന​ത്. ചൊ​വ്വാ​ഴ്ച രാ​വി​ലെ ശി​ങ്കാ​ര പ​വ​ർ​ഹൗ​സ് റോ​ഡി​ൽ ടൂ​റി​സ്​​റ്റ്​ ഡ്രൈ​വ​ർ​മാ​ർ ക​ടു​വ​യെ ക​ണ്ട​താ​യി പ​റ​ഞ്ഞു. മ​ങ്ക​ള​ബ​സു​വ​നെ കൊ​ന്ന ക​ൽ​ക്കോ​രി ഭാ​ഗ​ത്തും പ​രി​സ​ര​ങ്ങ​ളി​ലും ക​ന്നു​കാ​ലി​ക​ളെ മേ​യ്ക്കാ​ൻ അ​നു​വ​ദി​ച്ചി​രി​ക്കു​ക​യാ​ണ്.

ക​ന്നു​കാ​ലി​ക​ളെ ക​ണ്ടാ​ൽ ക​ടു​വ എ​ത്തു​മെ​ന്ന് ക​ണ്ടാ​ണ് കൂ​ട്ട​ത്തോ​ടെ മേ​യ്ച്ചി​ലി​ന് വി​ട്ടി​രി​ക്കു​ന്ന​ത്. ശി​ങ്കാ​ര, പൈ​ക്കാ​റ, മ​സി​ന​ഗു​ഡി, ബൊ​ക്കാ​പു​രം ഉ​ൾ​പ്പെ​ടെ ഭാ​ഗ​ങ്ങ​ളി​ലെ​ല്ലാം വ​ന​പാ​ല​ക​സം​ഘ​ത്തെ നി​ർ​ത്തി​യി​രി​ക്കു​ക​യാ​ണ്. പ​ട്രോ​ളി​ങ് സം​ഘം റോ​ന്തു​ചു​റ്റു​ന്നു​ണ്ട്. ഇ​വ​ർ​ക്കൊ​പ്പം സ​ന്ന​ദ്ധ സം​ഘ​ട​ന പ്ര​തി​നി​ധി​ക​ളു​മു​ണ്ട്.

ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ ശേ​ഖ​ർ നീ​ര​ജ് കു​മാ​ർ, മു​തു​മ​ല ഫീ​ൽ​ഡ് ഡ​യ​റ​ക്ട​ർ വെ​ങ്കി​ടേ​ഷ് എ​ന്നി​വ​ർ നേ​തൃ​ത്വം വ​ഹി​ക്കു​ന്നു. എ ഡി എ​സ് പി ​മോ​ഹ​ൻ ന​വാ​സി​ൻറെ നേ​തൃ​ത്വ​ത്തി​ലു​ള്ള എ​സ്ടിഎ​ഫ് സം​ഘം ഒ​ഴി​കെ മ​റ്റ് പൊ​ലീ​സ്, വ​യ​നാ​ട് ആ​ർ ​ആ​ർ ടീം ​ത​ൽ​ക്കാ​ലം തി​ര​ച്ചി​ൽ സം​ഘ​ത്തി​ൽ ഇ​ല്ല. ഇ​ട​ക്കി​ടെ മ​ഴ പെ​യ്യു​ന്ന​തും ത​ട​സ്സ​മാ​യി.