വി​മാ​ന​ത്താ​വ​ള​ത്തി​ല്‍ പൂ​ട്ടി​ക്കി​ട​ക്കു​ന്ന ഡ്യൂ​ട്ടി ഫ്രീ ​ഷോ​പ്പ് തു​റ​ക്കുന്നു

ശം​ഖും​മു​ഖം:

തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ല്‍ പൂ​ട്ടി​ക്കി​ട​ക്കു​ന്ന ഡ്യൂ​ട്ടി ഫ്രീ ​ഷോ​പ്പ് തു​റ​ക്കാ​ൻ ന​ട​പ​ടി​യാ​രം​ഭി​ച്ചു. ലേ​ല​ത്തി​ലൂ​ടെ കൂ​ടു​ത​ല്‍ തു​ക ന​ല്‍കാ​ന്‍ ത​യാ​റു​ള്ള ക​മ്പ​നി​ക്ക് ന​ട​ത്തി​പ്പ് അ​വ​കാ​ശം കൈ​മാ​റാ​നാ​ണ് ശ്ര​മം. മു​മ്പ് ന​ട​ത്തി​യ പ്ല​സ് മാ​സ് പോ​ലു​ള്ള ക​മ്പ​നി ലേ​ല​ത്തി​ല്‍ പ​ങ്കെ​ടു​ത്താ​ല്‍ വീ​ണ്ടും നി​യ​മ​പ്ര​ശ്​​ന​ങ്ങ​ള്‍ ഉ​ണ്ടാ​കാ​നു​ള്ള സാ​ധ്യ​ത മു​ന്നി​ൽ​ക​ണ്ട്​ ത​ന്ത്ര​പ​ര​മാ​യി ഡ്യൂ​ട്ടി ഫ്രീ ​ഷോ​പ്പ് വേ​ഗ​ത്തി​ല്‍ കൈ​മാ​റാ​നു​ള്ള ശ്ര​മ​മാ​ണ് വി​മാ​ന​ത്താ​വ​ള​ത്തിൻ്റെ ന​ട​ത്തി​പ്പ് അ​വ​കാ​ശം ഏ​റ്റെ​ടു​ത്ത അ​ദാ​നി ഗ്രൂ​പ്പിൻ്റെ നീ​ക്കം.

ഫ്ലെ​മി​ങ്ങോ ക​മ്പ​നി ന​ട​ത്തി​ക്കൊ​ണ്ടി​രു​ന്ന ഡ്യൂ​ട്ടി ഫ്രീ ​ഷോ​പ്പിൻ്റെ ചു​മ​ത​ല പി​ന്നീ​ട് എ​യ​ര്‍പോ​ര്‍ട്ട് അ​തോ​റി​റ്റി പ്ല​സ് മാ​ക്സ് ക​മ്പ​നി​ക്ക് ന​ല്‍കി​യ​തോടെയാ​ണ് വി​വാ​ദ​ങ്ങ​ള്‍ ഉ​ട​ലെ​ടു​ത്ത​ത്.

ക​സ്​​റ്റം​സ്​ അ​ന്വേ​ഷ​ണ​​ത്തെ​തു​ട​ർ​ന്ന്​ ഷോ​പ്പ് അ​ട​ച്ചു​പൂ​ട്ടി. വ്യാ​ജ​രേ​ഖ​ക​ളു​ണ്ടാ​ക്കി വി​ദേ​ശ​മ​ദ്യം പു​റ​ത്തേ​ക്ക് മ​റി​ച്ചു​വി​റ്റ​തി​നെ​തു​ട​ര്‍ന്നാ​യി​രു​ന്നു ന​ട​പ​ടി. തി​രു​വ​ന​ന്ത​പു​രം രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ​ത്തു​ന്ന യാ​ത്ര​ക്കാ​രു​ടെ പാ​സ്​​പോ​ര്‍ട്ട് കോ​പ്പി​ക​ള്‍ ഉ​പ​യോ​ഗി​ച്ച് മ​ദ്യം വാ​ങ്ങി​യ​താ​യി രേ​ഖ​യു​ണ്ടാ​ക്കി പു​റ​ത്തേ​ക്ക് കൂ​ടു​ത​ല്‍ വി​ല​ക്ക് മ​റി​ച്ചു​വി​ല്‍ക്കു​ക​യാ​യി​രു​ന്നു.

ഇ​തി​നെ​തി​രെ പ​രാ​തി ഉ​യ​ര്‍ന്ന​തോ​ടെ ക​സ്​​റ്റം​സ് പ്രി​വ​ൻ​റീ​വ് വി​ഭാ​ഗം ന​ട​ത്തി​യ പ​രി​ശോ​ധ​ന​യി​ല്‍ കു​ട്ടി​ക​ള്‍ ഉ​ള്‍പ്പെ​ടെ 1300 രാ​ജ്യാ​ന്ത​ര യാ​ത്ര​ക്കാ​രു​ടെ വി​വ​ര​ങ്ങ​ള്‍ ചോ​ര്‍ത്തി​യെ​ടു​ത്ത്​ അ​വ​രു​ടെ പാ​സ്പോ​ര്‍ട്ട് പ​ക​ർ​പ്പു​ക​ള്‍ ഉ​പ​യോ​ഗി​ച്ച് മ​ദ്യം വി​റ്റ​താ​യും ആ​റ് കോ​ടി​യി​ല​ധി​കം രൂ​പ​യു​ടെ ക്ര​മ​ക്കേ​ടു​ക​ള്‍ ന​ട​ത്തി​യ​താ​യും ക​ണ്ടെ​ത്തി. ഇ​തോ​ടെ ഷോ​പ്പിൻ്റെ ലൈ​സ​ന്‍സ് ക​സ്​​റ്റം​സ് സ​സ്പെ​ൻ​ഡ്​ ചെ​യ്തു.

ന​ട​പ​ടി​ക്കെ​തി​രെ പ്ല​സ് മാ​ക്സ് ഹൈ​കോ​ട​തി​യെ സ​മീ​പി​ച്ചു. തു​ട​ര്‍ന്ന് ഹൈ​കോ​ട​തി ക​മീ​ഷ​ണ​റു​ടെ ന​ട​പ​ടി റ​ദ്ദാ​ക്കു​ക​യും ക​സ്​​റ്റം​സിൻ്റെ ക​ര്‍ശ​ന നി​രീ​ക്ഷ​ണ​ത്തി​ല്‍ ഷോ​പ്പ് തു​റ​ന്ന് പ്ര​വ​ര്‍ത്തി​ക്കാ​ന്‍ അ​നു​മ​തി ന​ല്‍കു​ക​യു​മു​ണ്ടാ​യി.

ഇ​തി​ന് പി​ന്നാ​ലെ ക​സ്​​റ്റം​സ് വീ​ണ്ടും കോ​ട​തി​യെ സ​മീ​പി​ച്ചു. തു​ട​ർ​ന്ന്​ തു​റ​ന്ന് പ്ര​വ​ര്‍ത്തി​ക്കാ​നു​ള്ള തീ​രു​മാ​നം കോ​ട​തി റ​ദ്ദാ​ക്കി. വി​മാ​ന​ത്താ​വ​ള​ത്തിൻ്റെ ന​ട​ത്തി​പ്പ് പു​തി​യ ക​ര​ങ്ങ​ളി​ലേ​ക്ക് എ​ത്തു​ക​യും പു​തി​യ ക​മ്പ​നി​ക്ക് ഡ്യൂ​ട്ടി ഫ്രീ ​ഷോ​പ്പിൻ്റെ ന​ട​ത്തി​പ്പ​വ​കാ​ശം കൈ​മാ​റു​ക​യും ചെ​യ്യു​മ്പോ​ള്‍ ക​സ്​​റ്റം​സ് എ​തി​ര്‍ക്കില്ലെ​ന്നും മ​റ്റ്​ നി​യ​മ ത​ട​സ്സ​ങ്ങ​ള്‍ ഉ​ണ്ടാ​കില്ലെന്നു​മാ​ണ് ക​ണ​ക്കു​കൂ​ട്ട​ല്‍.

വി​ദേ​ശ​ത്തു​നി​ന്ന്​ വീ​ട്ടു​സാ​ധ​ന​ങ്ങ​ള്‍ നാ​ട്ടി​ലെ​ത്തി​ക്കു​മ്പോ​ള്‍ കൂ​ടു​ത​ല്‍ ലേ​ഗേ​ജ് തു​ക വി​മാ​ന​ത്താ​വ​ള​ത്തി​ല്‍ അ​ട​ക്കേ​ണ്ടി​വ​രു​ന്ന​ത് കാ​ര​ണം പ​ല​രും വി​മാ​ന​ത്താ​വ​ള​ത്തി​ലെ ഡ്യൂ​ട്ടി ഫ്രീ ​ഷോ​പ്പി​നെ ആ​ശ്ര​യി​ക്കാ​റു​ണ്ട്. വീ​ട്ടു​സാ​ധ​ങ്ങ​ള്‍ മാ​ത്രം വാ​ങ്ങു​ന്ന​വ​രു​ടെ പാ​സ്പോ​ര്‍ട്ടു​ക​ളി​ല്‍ മ​ദ്യം​കൂ​ടി വാ​ങ്ങു​ന്ന​താ​യി കാ​ണി​ച്ച​ശേ​ഷം വി​ദേ​ശ​മ​ദ്യം ര​ഹ​സ്യ​മാ​യി പു​റ​ത്തെ​ത്തി​ച്ച് ക​രി​ഞ്ച​ന്ത​യി​ൽ കൂ​ടു​ത​ല്‍ വി​ല​ക്ക് വി​ല്‍ക്കു​ക​യാ​യി​രു​ന്നു.

ഇ​തി​ന് ക​സ്​​റ്റം​സ് ഉ​ദ്യോ​ഗ​സ്ഥൻ്റെ പി​ന്തു​ണ​യും ല​ഭി​ച്ചി​രു​ന്നു. ഇ​തോ​ടെ പ്ല​സ് മാ​ക്സ് ക​മ്പ​നി​ക്ക് മ​ദ്യം ക​ട​ത്താ​ന്‍ ഒ​ത്താ​ശ ചെ​യ്തു​കൊ​ടു​ത്ത സെ​ന്‍ട്ര​ല്‍ എ​ക്സൈ​സ് ക​സ്​​റ്റം​സ് സൂ​പ്ര​ണ്ടിൻ്റെറ​യും ജീ​വ​ന​ക്കാ​രൻ്റെയും വീ​ടു​ക​ളി​ല്‍ സി ബി ഐ റെ​യ്ഡ് ന​ട​ത്തി​യി​രു​ന്നു.