നെ​ഹ്റു സ്​​റ്റേ​ഡി​യ​ത്തി​ലെ കാ​ടും പു​ല്ലും ഒ​ടു​വി​ൽ വെ​ട്ടി​മാ​റ്റി​ത്തു​ട​ങ്ങി

കോ​ട്ട​യം:

കോ​ട്ട​യം നെ​ഹ്റു സ്​​റ്റേ​ഡി​യ​ത്തി​ൽ നി​റ​ഞ്ഞ കാ​ടും പു​ല്ലും ഒ​ടു​വി​ൽ വെ​ട്ടി​മാ​റ്റി​ത്തു​ട​ങ്ങി. സ്​​റ്റേ​ഡി​യ​ത്തി​ൽ ഒ​രാ​ൾ പൊ​ക്ക​ത്തി​ൽ പു​ല്ല്​ വ​ള​ർ​ന്നി​ട്ടും അ​ന​ങ്ങാ​പ്പാ​റ ന​യം തു​ട​ർ​ന്ന കോ​ട്ട​യം ന​ഗ​ര​സ​ഭ​ക്കെ​തി​രെ രൂ​ക്ഷ​വി​മ​ർ​ശ​ന​മാ​ണ്​ ഉ​യ​ർ​ന്ന​ത്. അ​ധി​കൃ​ത​രു​ടെ അ​വ​ഗ​ണ​ന​ക്കെ​തി​രെ കാ​യി​ക​താ​ര​ങ്ങ​ളും രം​ഗ​ത്തു​വ​ന്നി​രു​ന്നു.

കാ​ടും പു​ല്ലും വ​ള​ർ​ന്ന് സ്​​റ്റേ​ഡി​യ​ത്തി​ൽ ന​ട​ക്കാ​ൻ​പോ​ലു​മാ​വാ​ത്ത സ്ഥി​തി​യാ​യി​രു​ന്നു. കോ​വി​ഡ് നി​യ​ന്ത്ര​ണ​ങ്ങ​ളി​ൽ ഇ​ള​വു​വ​രു​ത്തി സ്​​റ്റേ​ഡി​യ​ങ്ങ​ൾ തു​റ​ക്കു​ക​യും പ്ര​ഭാ​ത, സാ​യാ​ഹ്​​ന സ​വാ​രി​ക​ൾ അ​നു​വ​ദി​ക്കു​ക​യും ചെ​യ്ത്​ ആ​ഴ്​​ച​ക​ൾ പി​ന്നി​ട്ടി​ട്ടും നെ​ഹ്റു സ്​​റ്റേ​ഡി​യ​ത്തി​ലെ പു​ല്ലു​വെ​ട്ടാ​ൻ അ​ധി​കൃ​ത​ർ ത​യാ​റാ​യി​രു​ന്നി​ല്ല.

സ്​​റ്റേ​ഡി​യ​ത്തി​ൽ സ്​​ഥി​ര​മാ​യി ന​ട​ക്കാ​ൻ എ​ത്തി​യ​വ​ർ ഇ​ഴ​ജ​ന്തു​ക്ക​ളെ പേ​ടി​ച്ച് മ​റ്റ്​ സ്​​ഥ​ല​ങ്ങ​ളി​ലേ​ക്ക്​ മാ​റി​യി​രു​ന്നു. ഇ​തി​നി​ടെ​യാ​ണ്​ കഴി​ഞ്ഞ​ദി​വ​സം മു​ത​ൽ സ്​​റ്റേ​ഡി​യ​ത്തി​ലെ പു​ല്ല്​ യ​ന്ത്രം ഉ​പ​യോ​ഗി​ച്ച്​ വെട്ടി​മാ​റ്റാ​ൻ തു​ട​ങ്ങി​യ​ത്. എ​ന്നാ​ൽ, ഒ​രാ​ൾ മാ​ത്ര​മാ​ണ്​ ജോ​ലി​ക്കു​ള്ള​ത്.

ഇ​തു​മൂ​ലം പ​ണി മെല്ലെപ്പോ​ക്കി​ലാ​ണ്. ഒ​രാ​ൾ മാ​ത്ര​മാ​യ​തി​നാ​ൽ ആ​ഴ്​​ച​ക​ൾ വേ​ണ്ടി വ​രും ജോ​ലി​ക​ൾ പൂ​ർ​ത്തി​യാ​ക്കാ​ൻ. കൂ​ടു​ത​ൽ ജോ​ലി​ക്കാ​രെ നി​യ​മി​ച്ച്​ വേ​ഗ​ത്തി​ൽ സ്​​റ്റേ​ഡി​യം വൃ​ത്തി​യാ​ക്ക​ണ​മെ​ന്നാ​ണ്​ താ​ര​ങ്ങ​ളുടെ ആ​വ​ശ്യം.