Fri. Mar 29th, 2024
കോ​ഴി​ക്കോ​ട്​:

മി​ഠാ​യി​തെ​രു​വി​നെ കു​റി​ച്ചു​ള്ള എ​ല്ലാ മ​തി​പ്പും ത​ക​രാ​ൻ ഇ​വി​ട​ത്തെ ശു​ചി​മു​റി​യി​ൽ ക​യ​റി​യാ​ൽ മ​തി. ടൂ​റി​സ-​പൈ​തൃ​ക പ​ദ്ധ​തി​യി​ലു​ൾ​പ്പെ​ടു​ത്തി ഇ​വി​ടെ ന​വീ​ക​രി​ച്ച​പ്പോ​ൾ അ​തി​ന്​ നേ​തൃ​ത്വം ന​ൽ​കി​യ​വ​ർ ശു​ചി​മു​റി​യി​ലൊ​ന്ന് കയ​റി പ​രി​ശോ​ധി​ക്കേ​ണ്ടി​യി​രു​ന്നു, എ​ത്ര മേ​ൽ പ​രി​താ​പ​ക​ര​മാ​ണ്​ ഇ​തി​നു​ള്ളി​ലെ സ്​​ഥി​തി​യെ​ന്ന്.

ടൈ​ൽ​സ്​ ക​ണ്ടു​പി​ടി​ച്ച കാ​ല​ത്തു​ള്ള​താ​ണ്. തേ​ഞ്ഞു തീ​രാ​ൻ ഇ​നി ഒ​ന്നു​മി​ല്ല. സാ​നി​റ്റ​റി വെ​യ​റു​ക​ളും ത​ഥൈ​വ. ടാ​ങ്ക്​ ഇ​ട​ക്കി​ടെ ചോരും. പു​രു​ഷ​ന്മാ​ർ​ക്ക്​ നാ​ലും സ്​​ത്രീ​ക​ൾ​ക്ക്​ ര​ണ്ടും ശൗചാലയങ്ങളാണുള്ള​ത്. ഭി​ന്ന ശേ​ഷി​ക്കാ​ർ​ക്ക്​ ഒ​രു പ​രി​ഗ​ണ​ന​യു​മി​ല്ല.

ആ​യി​ര​ങ്ങ​ൾ വ​ന്നു​പോ​കു​ന്ന കോ​ഴി​ക്കോ​​ട്ടെ ഏ​റ്റ​വും പ്ര​ധാ​ന​പ്പെ​ട്ട​ വ്യാ​പാ​ര കേ​ന്ദ്ര​ത്തി​ലെ അ​വ​സ്​​ഥ​യാ​ണി​ത്. സ​ന്ദ​ർ​ശ​ക​രി​ൽ വി​ദേ​ശ-​ആ​ഭ്യ​ന്ത​ര സഞ്ചാരിക​ളു​മു​ണ്ട്. സ്​​ത്രീ​ക​ളാ​ണ്​ സ​ന്ദ​ർ​ശ​ക​രി​ലേ​റെ​യും. എ​സ്എം സ്​​​ട്രീ​റ്റി​ൻറെ വാ​തി​ൽ​പ്പ​ടി​യി​ൽ താ​ജ്​ റോ​ഡി​ലാ​ണ്​ ഒ​രു ന​വീ​ക​ര​ണ​വും ന​ട​ക്കാ​ത്ത ശു​ചി​മു​റി.

ഭാ​വി​യി​ൽ വ​ലി​യ ശു​ചി​മു​റി സ​മു​ച്ച​യം​ വ​രു​മെ​ന്നാ​ണ്​ അ​ധി​കൃ​ത​രു​ടെ വാ​ദം. ‘ഭാ​വി’​ക്ക്​ എ​ത്ര നീ​ള​മു​ണ്ടെ​ന്ന​താ​ണ്​ ​പ്ര​ശ്​​നം. മ​റ്റെ​ല്ലാ പ​ണി​ക​ളും ക​ഴിഞ്ഞ്​ നി​ർ​മി​ക്കേ​ണ്ട​ത​ല്ല​ല്ലോ ഇ​ത്.

പ്രാ​ഥ​മി​ക കൃ​ത്യ​നി​ർ​വ​ഹ​ണ​ത്തി​നു​ള്ള പ​ദ്ധ​തി​ക്ക്​ പ്ര​ഥ​മ​പ​രി​ഗ​ണ​ന ന​ൽ​കേ​ണ്ട​ത​ല്ലേ?. ശു​ചി​മു​റി​യു​ടെ പ​രി​സ​രം പ​ഴ​യ ഞെ​ളി​യ​ൻ​പ​റ​മ്പി​നു സ​മ​മാ​ണ്. മാ​ലി​ന്യ​നി​ക്ഷേ​പ കേ​​ന്ദ്രം. ഇ​ക്കോ​ല​ത്തി​ൽ സ്​​ഥ​ലം കാ​ണുമ്പോൾ എ​ല്ലാ​വ​രും ഇ​വി​ടെ മാ​ലി​ന്യം നി​ക്ഷേ​പി​ച്ചി​ല്ലെ​ങ്കി​​ലേ അ​ത്ഭു​ത​മു​ള്ളൂ എ​ന്ന്​ പ​രി​സ​ര​ത്തെ ക​ച്ച​വ​ട​ക്കാ​ര​നാ​യ ക​ബീ​ർ പ​റ​ഞ്ഞു.

ഇ​വി​ടെ​നി​ന്ന്​ മാ​ലി​ന്യ​നീ​ക്കം നി​ല​ച്ചി​ട്ട്​ മാ​സ​ങ്ങ​ളാ​യി. മ​ഴ കൂ​ടി പെ​യ്​​ത​തോ​ടെ ഇ​ങ്ങോ​ട്ട​ടു​ക്കാ​ൻ സാ​ധി​ക്കാ​ത്ത അ​വ​സ്​​ഥ.മാ​നാ​ഞ്ചി​റ​യി​ൽ മി​ഠാ​യി​തെ​രു​വി​ന്​ സ​മീ​പ​മു​ള്ള ബ​സ്​​സ്​​റ്റോ​പ്പി​ൽ മ​ഴ​പെ​യ്യുമ്പോഴേക്കും വെ​ള്ള​ക്കെ​ട്ടാ​ണ്.

ബ​സി​ൽ​നി​ന്ന്​ ഇ​റ​ങ്ങു​ന്ന​ത്​ ച​ളി​വെ​ള്ള​ക്കെ​ട്ടി​ലേ​ക്ക്. കോ​ബി​ൾ സ്​​റ്റോ​ൺ വി​രി​ച്ച റോ​ഡി​ലും വെ​ള്ളം കെ​ട്ടി​ക്കി​ട​ക്കു​ന്നു. നി​ർ​മാ​ണം ക​ഴി​ഞ്ഞ്​ പ​രി​പാ​ല​ന​ത്തി​ന്​ പ​രി​ഗ​ണ​ന കൊ​ടു​ക്കാ​ത്ത​തി​ന്​ മി​ക​ച്ച ഉ​ദാ​ഹ​ര​ണം ഈ ​തെ​രു​വു​ത​ന്നെ.

സ്​​ത്രീ​ക​ൾ​ക്ക്​​ മു​ല​യൂ​ട്ടാ​ൻ സൗ​ക​ര്യ​മി​ല്ല. കൊ​ച്ചു കു​ഞ്ഞു​ങ്ങ​ളെ​യു​മാ​യി വ​രു​ന്ന​വ​രു​ടെ പ്ര​ശ്​​ന​ങ്ങ​ൾ സ​ങ്ക​ട​ക​ര​മാ​ണി​വി​ടെ. വി​ശ​ന്നു ക​ര​യു​ന്ന കു​ഞ്ഞു​ങ്ങ​ളെ​യു​മാ​യി അ​മ്മ​മാ​ർ ന​ട്ടം​തി​രി​യു​ന്ന കാ​ഴ്​്​​ച പ​തി​വാ​ണ്.

കം​ഫ​ർ​ട്ട്​ സ്​​റ്റേ​ഷ​ൻ ഏ​റ്റ​വും അ​നി​വാ​ര്യ​മാ​യ സ്​​ഥ​ല​മാ​ണി​ത്. ന​ഗ​ര​ത്തി​ൽ ഇ​​ത്ര​യ​ധി​കം സ്​​ത്രീ​ക​ൾ എ​ത്തു​ന്ന​യി​ടം വേ​റെ​യി​ല്ല. പി​ടി​ച്ചു നി​ർ​ത്താ​നാ​വാ​തെ ക​ട​യി​ൽ വി​സ​ർ​ജി​ച്ചു പോ​യ ക​ഥ​ക​ൾ ഇ​വി​ട​ത്തെ ക​ച്ച​വ​ട​ക്കാ​ർ​ക്ക്​ പ​റ​യാ​നു​ണ്ട്.

എ​ത്ര​മേ​ൽ ദാ​രു​ണ​മാ​ണ്​ അ​വ​സ്​​ഥ! ഉ​പ​യോ​ഗ്യ​യോ​ഗ്യ​മാ​യ ശു​ചി​മു​റി പ്ര​ധാ​ന​കേ​ന്ദ്ര​ത്തി​ൽ ഇ​ല്ലാ​ത്ത​തിൻറെ ‘പ്ര​തി​സ​ന്ധി’.രോ​ഗി​ക​ൾ, പ്രാ​യ​മു​ള്ള​വ​ർ തു​ട​ങ്ങി എ​ല്ലാ വി​ഭാ​ഗ​ത്തി​ൽ​പെ​ട്ട​വ​രും ഈ പൈ​തൃ​ക​ത്തെ​രു​വി​ലു​ണ്ടാ​വും. ഒ​രു വി​ധ​മാ​ണെ​ങ്കി​ൽ ആ​രും ഇ​വി​ട​ത്തെ ശു​ചി​മു​റി​യി​ൽ ക​യ​റി​ല്ല. അ​ൽ​പ​മെ​ങ്കി​ലും വൃ​ത്തി​യു​ള്ള ശു​ചി​മു​റി​യി​ൽ ക​യ​റാ​ൻ അ​ക​ലെ മൊ​യ്​​തീ​ൻ പ​ള്ളി റോ​ഡി​ലെ​ത്ത​ണം.