തിരുവനന്തപുരം:
പേട്ട റെയില്‍വേ മേല്‍പാലം അപ്രോച്ച് റോഡിൻെറ തകര്‍ന്നുപോയ ഭാഗത്തെ അറ്റകുറ്റപ്പണി രണ്ടുമാസത്തിനകം പൂര്‍ത്തിയാക്കുമെന്ന് പൊതുമരാമത്ത് മന്ത്രി പി എ മുഹമ്മദ് റിയാസ്. അപ്രോച്ച് റോഡിൻെറ തകര്‍ന്നുപോയ ഭാഗത്തെ നിര്‍മാണം വിലയിരുത്തിയ ശേഷം സംസാരിക്കുകയായിരുന്നു അദ്ദേഹം. ഒക്ടോബര്‍ മാസത്തോടുകൂടി 45 മീറ്റര്‍ നീളത്തില്‍ ഭിത്തികെട്ടി പാലം പൂര്‍ണമായും ഗതാഗതത്തിന് തുറന്നുകൊടുക്കാന്‍ കഴിയും.
ഇതു ലക്ഷ്യംവെച്ച് യുദ്ധകാലാടിസ്ഥാനത്തില്‍ പ്രവൃത്തികള്‍ പുരോഗമിക്കുകയാണെന്നും മന്ത്രി പറഞ്ഞു. ഗതാഗതമന്ത്രി ആൻറണി രാജുവും ഒപ്പമുണ്ടായിരുന്നു.