കോപൻഹേഗൻ:
ക്രിസ്റ്റ്യൻ എറിക്സൺ കുഴഞ്ഞുവീണതിനെ തുടർന്ന് നിർത്തിവെച്ചിരുന്ന ഡെൻമാർക്ക്-ഫിൻലാൻഡ് മത്സരം, നീണ്ടനിന്ന അനിശ്ചിതത്വങ്ങൾക്കൊടുവിൽ പുനരാരംഭിച്ചപ്പോൾ അവസാന ചിരി കന്നി പോരാട്ടത്തിനെത്തിയ ഫിൻലൻഡുകാർക്കൊപ്പം.
വൈകി പുനരാരംഭിച്ച മത്സരത്തിൽ ഫിഫ റാങ്കിങ്ങിൽ 54ാം സ്ഥാനത്തുള്ള ഫിൻലൻഡ് കരുത്തരായ ഡെൻമാർകിനെ 1-0ത്തിന് അട്ടിമറിച്ചു. 59ാം മിനിറ്റിൽ തകർപ്പൻ ഹെഡറിലൂടെ ജോൾ പൊഹാൻപ്ലോയാണ് യൂറോകപ്പിൽ ഫിൻലൻഡിനായി അത്ഭുതം സൃഷ്ടിച്ചത്. 74ാം മിനിറ്റിൽ ഡെൻമാർക്കിന് പെനാൽറ്റി ലഭിച്ചെങ്കിലും കിക്ക് സേവ്ചെയ്ത് ഫിൻലൻഡ് ഗോൾ കീപ്പർ ലൂകാസ് റാഡകിയും താരമായി.