ന്യൂഡൽഹി:
രാജ്യത്തിന് ആശ്വാസമായി പ്രതിദിന കൊവിഡ് രോഗികളുടെ എണ്ണം വീണ്ടും കുറഞ്ഞു. കഴിഞ്ഞ ദിവസം രാജ്യത്ത് 1,14,460 പേർക്കാണ് രോഗം സ്ഥിരീകരിച്ചത്. 1,89,232 പേർക്ക് രോഗമുക്തിയുണ്ടായി. മരണസംഖ്യയിലും കുറവ് രേഖപ്പെടുത്തിയിട്ടുണ്ട്. 2677 മരണങ്ങളാണ് രാജ്യത്ത് കൊവിഡ് മൂലമാണെന്ന് സ്ഥിരീകരിച്ചത്.
ഇതോടെ ഇന്ത്യയിലെ ആകെ രോഗികളുടെ എണ്ണം 2,88,09,339 ആയി ഉയർന്നു. 2,69,84,781 പേർ ഇതുവരെ രോഗമുക്തി നേടി. 14,77,799 പേരാണ് നിലവിൽ രോഗം ബാധിച്ച് ചികിത്സയിലുള്ളത്. 3,46,759 മരണവും ഇതുവരെ സ്ഥിരീകരിച്ചിട്ടുണ്ട്.
23,13,22,417 പേർക്കാണ് ഇതുവരെ വാക്സിൻ നൽകിയത്. ഡിസംബറിനകം പരമാവധി പേർക്ക് വാക്സിൻ നൽകാനാണ് കേന്ദ്രസർക്കാർ. നാല് വാക്സിനുകളെങ്കിലും വൈകാതെ ഇന്ത്യയിലെത്തുമെന്നാണ് കേന്ദ്രസർക്കാർ വ്യക്തമാക്കുന്നത്.