Fri. Mar 29th, 2024
ന്യൂഡൽഹി:

കൊവിഡ് മഹാമാരിയെ പിടിച്ചുകെട്ടാനാകാതെ മുഖംനഷ്​ടമായ മോദി സർക്കാറിനെതിരെ സാമൂഹിക മാധ്യമങ്ങളിലടക്കം വ്യാപക രോഷമാണ്​ ഉയരുന്നത്​. രാജിവെക്കൂ മോദി എന്ന ഹാഷ്​ടാഗുകൾ ട്വിറ്ററിലടക്കം ദിവസങ്ങളായി ട്രെൻഡിങ്ങിലാണ്​.

#ResignModi എന്ന ഹാഷ്​ടാഗോട്​ കൂടിയ പോസ്​റ്റുകൾ ഫേസ്​ബുക്ക്​ ഒടുവിൽ തടഞ്ഞുവെച്ചു. ​ഇതിനെതിരെ പ്രതിഷേധം ഉയർന്നതോടെ മണിക്കൂറുകൾക്കകം പുനഃസ്​ഥാപിക്കുകയും​ ചെയ്​തു.

അതേസമയം, ഹാഷ്‌ടാഗ് അബദ്ധവശാൽ തടഞ്ഞതാണെന്നും സർക്കാറിന്റെ നിർദേശപ്രകാരം അല്ലെന്നുമാണ്​ ഫേസ്ബുക്കിന്റെ വിശദീകരണം. ‘വിവിധ കാരണങ്ങളാൽ ഫേസ്ബുക്ക് ഹാഷ്‌ടാഗുകൾ തടയാറുണ്ട്​. ചിലത് സ്വമേധയാ തടയു​മ്പോൾ മറ്റുചിലത്​ നേരത്തെ നൽകിയ മാർഗനിർദേശങ്ങൾക്ക്​ അനുസരിച്ച്​ ഒാ​ട്ടോമാറ്റിക്കായി തടയപ്പെടും. ഇവിടെ ഹാഷ്‌ടാഗിൽ നിന്നല്ല, ലേബലുമായി ബന്ധപ്പെട്ട ഉള്ളടക്കത്തിൽ നിന്നാണ് പിശക് ഉണ്ടായത്​’ ^ഫേസ്​ബുക്ക്​ അധികൃതർ പറഞ്ഞു.

By Divya