Fri. Mar 29th, 2024
തിരുവനന്തപുരം:

നിയമസഭ വോ​ട്ടെണ്ണൽ ദിനമായ ​മെയ്​ രണ്ടിന്​ ആഘോഷങ്ങളോ ഒത്തുചേരലുകളോ അനുവദിക്കേണ്ടതില്ലെന്ന്​ ചീഫ്​ സെക്രട്ടറിയുടെ അധ്യക്ഷതയിൽ ചേർന്ന ഉന്നതതലയോഗം തീരുമാനിച്ചു. വോട്ടെണ്ണൽ ദിനത്തിൽ കേരളത്തിൽ ലോക്​ഡൗൺ ഏർപ്പെടുത്താൻ ആവശ്യപ്പെട്ട്​ ഹൈകോടതിയിൽ ഹരജി പരിഗണനക്കുവന്നിരുന്നു.ഈ പശ്ചാത്തലത്തിലാണ്​
വോ​ട്ടെണ്ണൽ ദിനത്തി​ലെ നിയന്ത്രണം സംബന്ധിച്ച തീരുമാനം.

ഏപ്രിൽ 21, 22 തീയതികളിൽ മൂന്ന്​ ലക്ഷം പേരെ കൊവിഡ് പരിശോധന നടത്താൻ ലക്ഷ്യമിട്ട് രണ്ടാമത്തെ ‘മാസ്​ ടെസ്​റ്റിങ്​ കാമ്പയിൻ’ നടത്താൻ ആരോഗ്യവകുപ്പിനോട് നിർദേശിച്ചു. ജില്ലതല നിയന്ത്രണങ്ങൾ ഏർപ്പെടുത്തുമ്പോൾ ജില്ല-നഗര അതിർത്തികളിൽ പ്രവേശനത്തിന്​ ആർടിപിസിആർ നെഗറ്റിവ് സർട്ടിഫിക്കറ്റുകൾ ആവശ്യപ്പെടരുത്​.

കൊവിഡ് വ്യാപനം രൂക്ഷമാകുന്ന സാഹചര്യത്തിൽ സംസ്ഥാനത്തിന്‌ ആവശ്യമായ ഓക്സിജൻ, പരിശോധനാസാമഗ്രികൾ, അവശ്യമരുന്നുകൾ, കിടക്കകൾ മുതലായവയുടെ ലഭ്യത ആരോഗ്യവകുപ്പ് ഉറപ്പാക്കണമെന്നും നിർദേശിച്ചു.

By Divya