കൊൽക്കത്ത:
ബംഗാൾ തിരഞ്ഞെടുപ്പിൽ താൻ നന്ദിഗ്രാമിൽനിന്ന് മത്സരിച്ചാൽ മുഖ്യമന്ത്രി മമത ബാനർജി തോൽക്കുമെന്ന് തൃണമൂൽ വിട്ട് ബിജെപിയിലെത്തിയ സുവേന്ദു അധികാരി. സുവേന്ദു അധികാരിയുടെ മണ്ഡലമായ നന്ദിഗ്രാമിൽ മമത ബാനർജി മത്സരിക്കുമെന്ന് വ്യക്തമാക്കിയതിന് പിന്നാലെയാണ് പരാമർശം.
ബിജെപി മത്സരിക്കാൻ തന്നെ തെരഞ്ഞെടുത്താലും ഇല്ലെങ്കിലും നന്ദിഗ്രാമിൽ ഞാൻ മമതയെ പരാജയപ്പെടുത്തും. അത് തന്‍റെ ഉത്തരവാദിത്തമാണെന്നു അധികാരി പറഞ്ഞുബംഗാളിൽ എട്ടു ഘട്ടമായാണ് നിയമസഭ തെരഞ്ഞെടുപ്പ്. മാർച്ച് 27ന് തുടങ്ങി ഏപ്രിൽ 29ന് അവസാനിക്കും.മെയ് 2നാണ് വോട്ടെണ്ണൽ.