സൗദിയിൽ ബ്രിട്ടൻ്റെ ആ​സ്​​ട്രാ​സെ​ന​ക വാ​ക്​​സി​ന്​ അ​നു​മ​തി

ജി​ദ്ദ:

കൊവിഡ് പ്രതിരോധത്തിനുള്ള ബ്രിട്ടൻ്റെ ആസ്ട്രാസെനക വാ​ക്​​സി​ൻ സൗ​ദി അ​റേ​ബ്യ​യി​ൽ ഉ​പ​യോ​ഗി​ക്കാ​ൻ ഫു​ഡ്​ ആ​ൻ​ഡ്​​ ഡ്ര​​ഗ്​ അ​തോ​റി​റ്റി അ​നു​മ​തി ന​ൽ​കി. ഓ​ക്​​സ്​​ഫ​ഡ്​ യൂ​നി​വേ​ഴ്​​സി​റ്റി​യു​ടെ സ​ഹ​ക​ര​ണ​ത്തോ​ടെ​യാ​ണ്​ ​വാക്സിൻ വി​ക​സി​പ്പി​ച്ചെ​ടു​ത്ത​ത്. വാ​ക്​​സി​ൻ ഉ​പ​യോ​ഗി​ക്കു​ന്ന​തി​നും ഇ​റ​ക്കു​മ​തി​ക്കും അം​ഗീ​കാ​ര​ത്തി​നും ന​ൽ​കി​യ ഡേ​റ്റ​യു​ടെ അടിസ്ഥാനത്തിലാണിത്.

വാ​ക്​​സി​നു​ക​ളു​ടെ ഉ​പ​യോ​ഗം അം​ഗീ​ക​രി​ക്കു​ന്ന​തി​ന്​ ശാ​സ്​​ത്രീ​യ​ സംവി​ധാ​ന​മ​നു​സ​രി​ച്ചാ​ണ്​​ പ്ര​വ​ർ​ത്തി​ക്കു​ന്ന​തെ​ന്ന്​ അ​തോ​റി​റ്റി വൃ​ത്ത​ങ്ങ​ൾ അ​റി​യി​ച്ചു. ക്ലി​നി​ക്ക​ൽ പ​രീ​ക്ഷ​ണ​ത്തി​ലൂ​ടെ​യും പഠനങ്ങളിലൂടെയും വാ​ക്​​സി​നു​ക​ളു​ടെ സു​ര​ക്ഷ, ഫ​ല​പ്രാ​പ്​​തി, ഗുണനിലവാരം എന്നിവ ​പ​ഠ​ന​വി​ധേ​യ​മാ​ക്കു​ന്നു​ണ്ട്.

ചി​ല വാ​ക്​​സി​നു​ക​ൾ ഇ​പ്പോ​ഴും ക്ലി​നി​ക്ക​ൽ പഠനത്തിൻ്റെ ഘട്ടത്തിലാണ്. അ​വ​യു​ടെ ഡേ​റ്റ പൂ​ർ​ത്തി​യാ​യി​ട്ടി​ല്ല. അ​തോ​റി​റ്റി​യു​ടെ സം​വി​ധാ​നം വാ​ക്​​സി​നു​ക​ൾ രാ​ജ്യ​ത്ത്​ പ്ര​വേ​ശി​ക്കു​ന്ന​തി​നു​ള്ള ​ക്രി​യ വേ​ഗ​ത്തി​ലാ​ക്കു​ന്നു. ഏ​തെ​ങ്കി​ലും വാ​ക്​​സി​ന്​ അംഗീകാരം നൽകിയാൽ അ​ത്​ സ​മ​യ​ബ​ന്ധി​ത​മാ​യി പ്ര​ഖ്യാ​പി​ക്കു​മെ​ന്നും അതോറിറ്റി പറഞ്ഞു.