ജിദ്ദ:
ജിദ്ദ കോർണിഷിലേക്കുള്ള പ്രവേശനം നിർത്തലാക്കി. കടൽകരയിലെത്തുന്നവരുടെ ബാഹുല്യമേറിയ പശ്ചാത്തലത്തിൽ കൊവിഡ് വ്യാപനം തടയുന്നതിനുള്ള മുൻകരുതലായാണ് കടൽക്കര അടച്ചതെന്ന് ജിദ്ദ മുനിസിപ്പാലിറ്റി അറിയിച്ചു. ആളുകളുടെ തിരക്ക് കാരണം കടൽക്കര അടക്കാൻ ജിദ്ദ ഗവർണർ അമീർ മിശ്അൽ ബിൻ മാജിദ് നിർദേശം നൽകിയിരുന്നു.
ഗവർണറുടെ നിർദേശം വന്ന ഉടനെ പൊലീസുമായി സഹകരിച്ചു കടൽക്കര അടക്കാൻ തീരുമാനിക്കുകയായിരുന്നുവെന്ന് മുനിസിപ്പാലിറ്റി വ്യക്തമാക്കി.കഴിഞ്ഞ രണ്ട് ദിവസങ്ങളിലായി സ്ഥലത്ത് കൊവിഡ് മുൻകരുതൽ പരിശോധന പൊലീസ് ശക്തമാക്കിയിരുന്നു.