ന്യൂഡൽഹി:
രാജ്യത്തുടനീളം ന്യൂനപക്ഷങ്ങളെയുൾപ്പെടെ ഭീതിയുടെ മുനയിൽ നിർത്തി പ്രാഥമിക നടപടികളുമായി സർക്കാർ മുന്നോട്ടുപോയിരുന്ന ദേശീയ പൗരത്വ രജിസ്റ്റർ (എൻആർസി) നടപ്പാക്കാൻ അന്തിമ തീരുമാനമെടുത്തിട്ടില്ലെന്ന് കേന്ദ്രം. രാജ്യത്തിനകത്തും പുറത്തും വൻ പ്രക്ഷോഭങ്ങളായി പടർന്ന പ്രതിഷേധത്തിനൊടുവിലാണ് കേന്ദ്രത്തിൻറെ താത്കാലിക നയംമാറ്റമെന്നാണ് സൂചന.
നേരത്തെ പ്രഖ്യാപിക്കുകയും തിരഞ്ഞെടുപ്പുകളിൽ ബിജെപി മുഖ്യ അജണ്ടകളിലൊന്നായി അവതരിപ്പിക്കുകയും ചെയ്ത എൻആർസി രാജ്യത്തുണ്ടാക്കിയ ആശങ്ക പങ്കുവെച്ച് പാർലമെൻററി സ്ൻറാൻറിങ് കമ്മിറ്റി റിപ്പോർട്ട് നൽകിയിരുന്നു. ഇതിനുള്ള മറുപടിയിലാണ് കേന്ദ്രത്തിൻറെ പ്രതികരണം.