ന്യൂഡൽഹി:
കേന്ദ്ര ബജറ്റിൽ ധനമന്ത്രി നിർമല സീതാരാമൻ പ്രഖ്യാപിച്ച ഇന്ധന സെസ് ഇന്ന് മുതൽ പ്രാബല്യത്തിൽ വരും. എക്സൈസ് തീരുവ കുറച്ചതിനാൽ ഇന്ധന വില തൽക്കാലം വർധിക്കില്ല.
കാ൪ഷിക അടിസ്ഥാന വികസന സെസ് എന്ന പേരിലാണ് ബജറ്റിൽ കേന്ദ്ര സർക്കാർ ഇന്ധനത്തിന് പുതിയ സെസ് ഏർപ്പെടുത്തിയത്. കാർഷിക മേഖലയുടെ അടിസ്ഥാന സൗകര്യ വികസനത്തിന് വേണ്ടിയാണ് പ്രത്യേക സെസ്.
പെട്രോൾ ലിറ്ററിന് രണ്ടര രൂപയും ഡീസലിന് നാല് രൂപയുമാണ് വർധിക്കുക. എന്നാൽ സെസ് ഏ൪പ്പെടുത്തിയത് കർഷകരോടുള്ള കേന്ദ്രത്തിന്റെ പ്രതികാര നടപടിയാണെന്ന് കോൺഗ്രസ് നേതാവും മുൻ ധനമന്ത്രിയുമായ പി ചിദംബരം പറഞ്ഞു.