റിയാദ്:
സൗദി അറേബ്യയില് ഗുരുതര ട്രാഫിക് നിയമലംഘനങ്ങള് ഇനി മുതല് ക്രിമിനല് കുറ്റമാക്കി കേസുകള് രജിസ്റ്റര് ചെയ്യും. സൗദി ട്രാഫിക് വിഭാഗവും പബ്ലിക് പ്രൊസിക്യൂഷനും ഇത് സംബന്ധിച്ച് ധാരണയിലെത്തി. മന:പൂർവമായ ട്രാഫിക് അപകടങ്ങള്, അപകട സ്ഥലത്ത് വാഹനം നിർത്താതെ പോകല് തുടങ്ങിയവ ഗുരുതര നിയമലംഘനങ്ങളില് ഉള്പ്പെടും. ഗുരുതരമായ ട്രാഫിക് കേസുകള് നേരിട്ട് പബ്ലിക് പ്രൊസിക്യൂഷന് കൈമാറുന്നതിനാണ് ധാരണ.