‘ജിഹാദ്’ തടയാനെത്തി യുപി പോലീസ്; ഞങ്ങൾക്കിടയിൽ ‘ലൗ’ മാത്രമെന്ന് വരൻ

ലക്‌നൗ:

ഉത്തർ പ്രദേശിലെ ലക്‌നൗവിൽ മുസ്​ലിം യുവാവും ഹൈന്ദവ യുവതിയും തമ്മിലുള്ള വിവാഹം നി​ർ​ബ​ന്ധി​ത മ​ത​പരിവ​ർ​ത്ത​ന നി​രോ​ധ​ന നി​യ​മ​പ്ര​കാ​രം തടയാനെത്തിയ പൊലീസ് കേസെടുക്കാതെ മടങ്ങി. ഇരുവരും മതം മാറുന്നില്ലെന്ന്​ വ്യക്തമായതോടെയാണ് മടക്കം. ഇരുവർക്കും അഞ്ച്​ വർഷമായി പരസ്​പരം അറിയാമെന്നും വിവാഹം തങ്ങളുടെ സമ്മത പ്രകാരമാണ്​ നടക്കുന്നതെന്നും വധുവിൻെറ മാതാവും വ്യക്തമാക്കി.

ഹിന്ദുത്വ സംഘടനയായ രാഷ്​ട്രീയ യുവവാഹിനി നൽകിയ പരാതിയുടെ അടിസ്ഥാനത്തിലാണ് ബുധനാഴ്​ച രാത്രി വധുവിൻെറ വീട്ടിൽ നടക്കേണ്ടിയിരുന്ന ചടങ്ങ് തടയാനായി പൊലീസ്​ എത്തിയത്​. എന്നാൽ തങ്ങളുടെ വിവാഹം ഹിന്ദു-മുസ്​ലിം ആചാര​ങ്ങൾ പ്രകാരമാണ്​ നടക്കാൻ പോകുന്നതെന്ന് വരൻ വ്യക്തമാക്കുകയായിരുന്നു.

ലഖ്​നോയിലെ ദൂഡ കോളനിയിലാണ്​ സംഭവം. വരന്​ 24ഉം വധുവിന്​ 22ഉം വയസുണ്ട്. “ഇവിടെ മതപരിവർത്തനം ഒരു ചർച്ചയേ അല്ല. രണ്ടുപേർ ഇഷ്​ടപ്പെട്ടാൽ തന്നെ പരസ്പരം അംഗീകരിക്കപ്പെടണം എന്നാണ് എനിക്ക് തോന്നുന്നത്. അവൾ ഹിന്ദുവാണെങ്കിൽ അവളുടെ മതവും വ്യക്തിത്വവും ഞാൻ അംഗീകരിക്കണം അവളും അതുപോലെ തന്നെയാകണം.” വരൻ മാധ്യമങ്ങളോട് പ്രതികരിച്ചു.

https://www.youtube.com/watch?v=zkvmaFixlrQ