തിരുവനന്തപുരം:
തിരുവനന്തപുരം അഞ്ചുതെങ്ങിൽ കടലിൽ മീൻ പിടിക്കാൻ പോയ മൂന്ന് മത്സ്യത്തൊഴിലാളികൾ വള്ളം മറിഞ്ഞ് മരിച്ചു. അഞ്ചുതെങ്ങ് സ്വദേശികളായ അഗസ്റ്റിൻ (34), അലക്സ് (45), തങ്കച്ചൻ (52) എന്നിവരാണ് മരിച്ചത്. അഞ്ച് മത്സ്യത്തൊഴിലാളികളാണ് വള്ളത്തിലുണ്ടായിരുന്നത്. ഇതില് രണ്ട് പേര് കരയിലേക്ക് നീന്തി രക്ഷപ്പെട്ടു. മത്സ്യബന്ധനം നടത്തി തിരിച്ചുവരുമ്പോള് വലിയ തിരമാലയില് അകപ്പെട്ട് വള്ളം മറിയുകയായിരുന്നു. ബുധനാഴ്ച ഉച്ചയോടെ എന്ജിന് ഘടിപ്പിച്ച വള്ളമാണ് അപകടത്തില്പ്പെട്ടത്.
വള്ളം മറിഞ്ഞ വിവരം അറിഞ്ഞ് നടത്തിയ തിരച്ചിലിലാണ് മൂന്ന് പേരുടെ മൃതദേഹം കണ്ടെത്തിയത്. മൃതദേഹങ്ങള് ചിറയന്കീഴ് താലൂക്ക് ആശുപത്രിയില് സൂക്ഷിച്ചിരിക്കുകയാണ്. കഴിഞ്ഞ രണ്ട് ദിവസങ്ങളായി കേരളത്തിന്റെ തെക്കൻ തീരമേഖലയിൽ ശക്തമായ മഴയാണ് അനുഭവപ്പെടുന്നത്. അടുത്ത നാല് ദിവസങ്ങളിൽ മഴ കണക്കുമെന്ന് കാലാവസ്ഥ വകുപ്പ് പ്രത്യേക മുന്നറിയിപ്പ് നൽകിയിട്ടുണ്ട്.