29 C
Kochi
Monday, August 2, 2021

Daily Archives: 27th June 2020

തിരുവനന്തപുരം:മഞ്ചേരി മെഡിക്കല്‍ കോളജില്‍ പ്ലാസ്മ തെറാപ്പി ചികിത്സ തേടിയ പാലക്കാട് ഒതളൂര്‍ സ്വദേശി സൈനുദ്ദീൻ രോഗം ഭേദമായിആശുപത്രി വിട്ടു. നേരത്തെ കൊവിഡ് രോഗമുക്തി നേടിയ എടപ്പാള്‍ സ്വദേശി വിനീതാണ് ഇദ്ദേഹത്തിന് പ്ലാസ്മ നൽകിയത്. ജൂണ്‍ ആറിന് മസ്‌കറ്റില്‍ നിന്ന് നാട്ടിലെത്തിയ സൈനുദ്ദീനെ ഏഴാം തീയതിയാണ് രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്. സംസ്ഥാന മെഡിക്കല്‍ ബോര്‍ഡിന്‍റെ നിര്‍ദ്ദേശപ്രകാരമാണ് ഇദ്ദേഹത്തിന് പ്ലാസ്മ തെറാപ്പി നടത്തിയത്.
തിരുവനന്തപുരം:സംസ്ഥാനത്ത് ഇനി മുതലുള്ള ഞായറാഴ്ചകളിൽ സമ്പൂർണലോക്ക്ഡൗൺ ഉണ്ടാകില്ല. കഴിഞ്ഞയാഴ്ച അടക്കം നൽകിയ ഇളവുകൾ പരിശോധിച്ചാണ് ഈ തീരുമാനം എടുത്തതെന്ന് സംസ്ഥാന സർക്കാർ അറിയിച്ചു. എന്നാൽ കണ്ടെയ്ൻമെന്‍റ് സോണുകളിലും മറ്റ് തീവ്രബാധിതമേഖലകളിലുമുള്ള ജാഗ്രതാ നിർദ്ദേശങ്ങൾ തുടരും.  അതേസമയം, ജനങ്ങൾ സർക്കാർ നിർദേശിക്കുന്ന എല്ലാ ജാഗ്രതാ നിർദേശങ്ങളും പാലിക്കണമെന്നും നിർദ്ദേശം നൽകി.
വാഷിങ്ടണ്‍: ലോകമെമ്പാടുമുള്ള  റീട്ടെയില്‍ സ്റ്റോറുകള്‍ മൈക്രോസോഫ്റ്റ് സ്ഥിരമായി അടച്ചുപൂട്ടുന്നു. ഓണ്‍ലൈന്‍ സ്റ്റോറുകള്‍ മെച്ചപ്പെടുത്തുന്നതിലാണ് ഇനി ശ്രദ്ധ കേന്ദ്രീകരിക്കുന്നതെന്ന് കമ്പനി  അറിയിച്ചു.  യുഎസ്, ബ്രിട്ടന്‍, കാനഡ, ആസ്‌ട്രേലിയ, പ്യൂര്‍ട്ടോ റിക്കോ ഉള്‍പ്പെടെ 5 രാജ്യങ്ങളിലായി മൈക്രോസോഫ്റ്റിന് 116 സ്റ്റോറുകളാണുള്ളത്. ഇതില്‍ 72 എണ്ണവും അമേരിക്കയിലാണ്. ജോലി നഷ്ടപ്പെടുന്ന ജീവനക്കാരെ മൈക്രോസോഫ്റ്റ്.കോം വഴി വില്‍ക്കുന്ന മൈക്രോസോഫ്റ്റ്, എക്സ് ബോക്സ് പ്രോഡക്ടുകളുടെ സര്‍വീസിനായി നിയമിക്കും.
ന്യൂഡല്‍ഹി:പ്രവാസികളെ നാട്ടിലെത്തിക്കുന്നതിനായുള്ള വന്ദേഭാരത് ദൗത്യത്തില്‍ സംസ്ഥാനത്തേക്ക്  94 വിമാനങ്ങൾ ഷെഡ്യൂള്‍ ചെയ്തു. ജൂലൈ ഒന്ന് മുതൽ 15 വരെയുള്ള ഷെഡ്യൂളാണ് ഇപ്പോൾ പുറത്തുവിട്ടിരിക്കുന്നത്. യുഎഇ, ബഹ്റിൻ, ഒമാൻ, സിങ്കപ്പൂർ, മലേഷ്യ എന്നിവിടങ്ങളിൽ നിന്നാണ് വിമാനങ്ങൾ ഷെഡ്യൂൾ ചെയ്തിരിക്കുന്നത്. ബഹ്റെെനില്‍ നിന്നും ഒമാനില്‍ നിന്നുമാണ് കൂടുതല്‍ സര്‍വീസുകള്‍. ഇപ്പോൾ പുതുതായി ഷെഡ്യൂൾ ചെയ്ത വിമാനങ്ങൾ അധികവും കൊച്ചി, കോഴിക്കോട് വിമാനത്താവളങ്ങളിലേക്കാണ്.  
വയനാട്:കൊവിഡ് പ്രതിസന്ധിയിലും കേരളത്തോട് കര്‍ണാടകയുടെ കടുത്ത നിലപാട് തുടരുന്നു. വയനാട്-കുടക് അതിര്‍ത്തിയില്‍ മണ്ണിട്ട് ഗതാഗതം തടഞ്ഞതിനെ പുറമെ  മണ്‍കൂനക്ക് മുകളില്‍ ഇപ്പോള്‍ കമ്പിവേലിയും കെട്ടി യാത്ര പൂര്‍ണ്ണമായും തടസപ്പെട്ടുത്തിയിരിക്കുകയാണ്. രാത്രി യാത്രാ നിരോധനമില്ലാത്ത ഏക പാതയായ ഇവിടെ സ്ഥിരമായി അടച്ചിടാനാണ് കര്‍ണ്ണാടകയുടെ നീക്കമെന്ന് പ്രദേശവാസികള്‍ ആരോപിച്ചു.ലോക് ഡൗണ്‍ പ്രഖ്യാപിച്ച് ദിവസങ്ങള്‍ക്കുള്ളില്‍ത്തന്നെ കര്‍ണ്ണാടക കുട്ട ചെക്‌പോസ്റ്റിന് സമീപം കര്‍ണ്ണാടക മണ്ണിട്ട് ഗതാഗതം തടഞ്ഞിരുന്നു. തുടര്‍ന്ന് മണ്‍കൂന ചാടികടന്നായിരുന്നു ആരോഗ്യപ്രവര്‍ത്തകര്‍ അതിര്‍ത്തിക്കപ്പുറത്തുള്ള...
തിരുവനന്തപുരം:തലസ്ഥാന ഉറവിടം അറിയാത്തരോഗികളുടെ എണ്ണം കൂടുന്ന സാഹചര്യത്തില്‍ നിയന്ത്രണങ്ങള്‍ കര്‍ശനമാക്കി. ജില്ലയില്‍ കൂടുതല്‍ കണ്ടെയ്ൻമെന്റ് സോണുകൾ പ്രഖ്യാപിച്ചു. ആറ് വാര്‍ഡുകളിലാണ് കര്‍ശന നിയന്ത്രണങ്ങള്‍ ഏര്‍പ്പെടുത്തിയത്. ആറ്റുകാൽ 70-ാം വാർഡ് , കുരിയാത്തി  73 -ാം വാർഡ് , കളിപ്പാൻ കുളം 69 -ാം വാർഡ് , മണക്കാട് 72 -ാം വാർഡ് , ടാഗോർ റോഡ് തൃക്കണ്ണാപുരം  48 -ാം വാർഡ്, പുത്തൻപാലം വള്ളക്കടവ് 88 -ാം വാർഡ്...
മുംബെെ:ബാബ രാംദേവിന്‍റെ ഉടമസ്ഥതിയിലുള്ള പതഞ്ജലി ആയുര്‍വേദ ഇറക്കിയ 'കൊറോണില്‍' എന്ന മരുന്ന് കൊവിഡ് രോഗികളില്‍ പരീക്ഷിച്ചതിനെതിരെ രാജസ്ഥാന്‍ സര്‍ക്കാര്‍ വിശദീകരണം തേടി. ജയ്പൂരിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ്  ആശുപത്രിയില്‍ നിന്നാണ് വിശദീകരണം തേടിയത്. മൂന്നു ദിവസത്തിനകം നോട്ടീസില്‍ മറുപടി നല്‍കണമെന്നാണ് കത്തില്‍ ആവശ്യപ്പെട്ടിരിക്കുന്നത്. കൊറോണിലിനെ കൊവിഡ് ചികിത്സയ്കക്കുള്ള മരുന്നായി ചിത്രീകരിക്കുന്ന തരത്തിലുള്ള പരസ്യങ്ങള്‍ നിര്‍ത്തിവയ്ക്കണമെന്ന് പതഞ്ജലിയോട് കേന്ദ്ര ആയുഷ് മന്ത്രാലയം ആവശ്യപ്പെട്ടിരുന്നു. വ്യാജ മരുന്നുകളുടെ വില്‍പന അനുവദിക്കില്ലെന്ന് മഹാരാഷ്ട്ര സര്‍ക്കാരും...
തിരുവനന്തപുരം:നിര്‍ധനരായ ഒട്ടേറെ രോഗികള്‍ക്ക് ആശ്വാസമാകുന്ന കാരുണ്യ പദ്ധതിയിൽ നിന്ന് സ്വകാര്യ ആശുപത്രികൾ പിൻമാറുന്നു. പദ്ധതിയിൽ നിന്ന് ജൂലൈ ഒന്ന് മുതല്‍ വിട്ട് നില്‍ക്കുമെന്ന് ചൂണ്ടികാട്ടി കേരള പ്രൈവറ്റ് ഹോസ്പിറ്റല്‍സ് അസോസിയേഷന്‍  സര്‍ക്കാരിന് കത്ത് നല്‍കി. കുടിശ്ശികയായി 200 കോടി രൂപ കിട്ടാനുണ്ടെന്നും കത്തില്‍ ചൂണ്ടികാട്ടുന്നു. സര്‍ക്കാരിന്‍റെ കാരുണ്യ ആരോഗ്യ സുരക്ഷ പദ്ധതിയില്‍ നിന്ന് പൂര്‍ണമായും പിന്‍മാറാനാണ് സ്വകാര്യ ആശുപത്രികളുടെ തീരുമാനം.
തിരുവനന്തപുരം: കൊവിഡ് കാലത്തേക്ക് മാത്രമായി മിനിമം ചാർജ്ജ് 10 രൂപയാക്കാനും കിലോമീറ്ററിന് 90 പൈസ വീതം ഈടാക്കാനും ഗതാഗത വകുപ്പിന്‍റെ തീരുമാനം. ജസ്റ്റിസ് രാമചന്ദ്രൻ കമ്മിഷൻ സമർപ്പിച്ച ഇടക്കാല റിപ്പോർട്ട് അടിസ്ഥാനമാക്കിയാണ് നിരക്ക് വർധന. പൊതു ഗതാഗത സംവിധാനം നിലനിർത്തുകയെന്ന ഉദ്ദേശത്തോടെയാണ് നിരക്ക് വർധനയ്ക്ക് ശിപാർശ ചെയ്തതെന്ന് ജസ്റ്റിസ് രാമചന്ദ്രന്‍ റിപ്പോര്‍ട്ട് ചൂണ്ടികാട്ടിയിരുന്നു. മിനിമം നിരക്ക് 12 രൂപയാക്കണമെന്ന് ആവശ്യപ്പെട്ട് കെഎസ്ആര്‍ടിസിയും സര്‍ക്കാരിന് കത്ത് നല്‍കിയിട്ടുണ്ട്.
ഡൽഹി: രാജ്യത്ത് ആഭ്യന്തര സര്‍വീസുകകളുടെ എണ്ണം 33 ശതമാനത്തില്‍ നിന്ന് 45 ശതമാനമായി ഉയര്‍ത്താൻ വിമാന കമ്പനികള്‍ക്ക് സര്‍ക്കാര്‍ അനുമതി നല്‍കി. ഇത് സംബന്ധിച്ച് വ്യോമയാന മന്ത്രാലയം വെള്ളിയാഴ്ച ഉത്തരവിറക്കി. ഇതുവരെ രാജ്യത്ത് 21,316 വിമാന സര്‍വീസുകൾ നടത്തിയെന്നും ഇതില്‍ 18,92,581 യാത്രക്കാര്‍ സഞ്ചരിച്ചതായും  കേന്ദ്ര വ്യോമയാന മന്ത്രി ഹര്‍ദീപ് സിങ് പുരി വ്യക്തമാക്കി.