കോഴിക്കോട്:
കേരള പ്രീമിയര്‍ ലീഗ് പുതിയ സീസണ് ഡിസംബര്‍ 15ന് തുടക്കമാകും. പുതിയ സീസണ് ഫിക്സ്ചര്‍ ഇന്ന് കെ എഫ് എ പുറത്തു വിട്ടു. സീസണിലെ ആദ്യ മത്സരത്തില്‍ കേരള ബ്ലാസ്റ്റേഴ്സ് റിസേര്‍വ്സ് ഗോകുലം കേരള എഫ് സി റിസേര്‍വ്സിനെ നേരിടും.
കോഴിക്കോട് ഇ എം എസ് സ്റ്റേഡിയത്തില്‍ വെച്ചാകും ഉദ്ഘാടന മത്സരം നടക്കുക. ഇത്തവണ കെപിഎല്ലില്‍ രണ്ട് ഗ്രൂപ്പുകളിലായി പത്ത് ടീമുകളാണ് മത്സരിക്കുന്നത്.
കണ്ണൂര്‍ സിറ്റി എഫ് സി, ലൂക സോക്കര്‍, എം എ കോളേജ് കോതമംഗലം എന്നീ ടീമുകള്‍ ആദ്യമായി ഇത്തവണ കെപിഎല്ലില്‍ കളിക്കുന്നുണ്ട്.
അതേസമയം, കേരള പൊലീസ് മാത്രമാണ് ഡിപ്പാര്‍ട്ട്മെന്‍റ് ടീമായി ഇത്തവണ കേരള പ്രീമിയര്‍ ലീഗില്‍ മത്സരിക്കുന്നത്. ഹോം ആന്‍ഡ് എവേ ഫോര്‍മാറ്റില്‍ തന്നെയാകും ലീഗ് മത്സരങ്ങള്‍ ഇത്തവണയും നടക്കുക.