Fri. Mar 29th, 2024
ന്യൂ​ഡ​ല്‍​ഹി:

രാജ്യത്തെ സ​ര്‍​ക്കാ​രു​ക​ൾക്ക്, വിവരാവകാശ വെബ്സൈറ്റ് വേണമെന്ന പൊതുതാത്പര്യ ഹർജിയിൽ കേന്ദ്ര, സംസ്ഥാന സർക്കാരുകൾക്ക് സുപ്രീം കോടതി നോട്ടീസ് അയയ്ച്ചു. സർക്കാരുകളുടെ വി​വി​ധ വ​കു​പ്പു​ക​ളി​ല്‍ നി​ന്ന് വി​വ​രാ​വ​കാ​ശ നി​യ​മപ്ര​കാ​രം വി​വ​ര​ങ്ങ​ള്‍ ല​ഭി​ക്കു​ന്ന​തി​നാ​യി പുതിയ വെ​ബ്സൈ​റ്റ് സ്ഥാ​പി​ക്കണമെന്ന നിർദേശമാണ് പൊതുതാത്പര്യ ഹർജിയിൽ ആവശ്യപ്പെട്ടിരിക്കുന്നത്. പ്ര​വാ​സി ലീ​ഗ​ല്‍ സെ​ല്‍ എന്ന സ​ര്‍​ക്കാ​രി​ത​ര സം​ഘ​ട​ന​യിലെ അ​ഭി​ഭാ​ഷ​ക​ന്‍, ജോ​സ് ഏ​ബ്ര​ഹാമാണ് ഹ​ര്‍​ജി നൽകിയിരിക്കുന്നത്. സുപ്രീം കോടതി ജ​സ്റ്റീ​സു​മാ​രാ​യ എ​ന്‍.​വി. ര​മ​ണ, അ​ജ​യ് റെ​സ്തോ​ഗി എന്നിവരുടെ ബെഞ്ചാണ് ഹർജി പരിഗണിച്ചത്.

വി​വ​രാ​വ​കാ​ശ നി​യ​മപ്ര​കാ​രം രാജ്യത്തും വി​ദേ​ശ​ത്തു​മു​ള്ള ഇ​ന്ത്യ​ക്കാര്‍ക്കു വി​വ​ര​ങ്ങ​ള്‍ തേ​ടാ​മെ​ന്നതാണ് പുതിയ ഹർജിയിൽ വ്യവസ്ഥ ചെയ്യുന്നത്. അതേസമയം, രാ​ജ്യ​ത്തു​ള്ള​വ​ര്‍ക്ക് മാത്രമാണ് വിവിധ വകുപ്പുകളിലോട്ടു​ നേ​രി​ട്ട് അ​പേ​ക്ഷ ന​ല്‍​കി വിവരങ്ങൾ തേടുന്നതിനുള്ള അവസരമുള്ളത്. പുതിയ വ്യവസ്ഥ പ്രകാരം, വെ​ബ്സൈറ്റ് വഴി ഓ​ണ്‍ലൈ​നി​ലൂ​ടെ അ​പേ​ക്ഷ​യും മ​റു​പ​ടി​യും ല​ഭ്യ​മാ​ക്കു​ന്ന ത​ര​ത്തി​ല്‍, വി​ദേ​ശ​ത്തു​ള്ള​വ​ര്‍​ക്ക് കൂടി ഈ ​നി​യ​മ​ത്തി​ന്‍റെ പ്ര​യോ​ജ​നം ല​ഭ്യമാക്കി തുടങ്ങണമെന്നാണ്, ഹ​ര്‍​ജിയിലെ ആ​വ​ശ്യം.

നി​ല​വി​ല്‍, മ​ഹാ​രാഷ്‌ട്രയി​ലും ഡ​ല്‍​ഹി​യി​ലും മാ​ത്ര​മാ​ണ് വെബ്സൈറ്റ് വഴി, അ​പേ​ക്ഷ ന​ല്‍​കാ​നുള്ള സംവിധാനാം ഉള്ളതെന്ന്, ഹ​ര്‍​ജി​ക്കാ​ര​നു വേ​ണ്ടി വാദിച്ച മു​തി​ര്‍​ന്ന അ​ഭി​ഭാ​ഷ​ക​ന്‍ സ​ഞ്ജ​യ് ഹെ​ഗ്ഡെ ചൂ​ണ്ടി​ക്കാ​ട്ടി.

Leave a Reply

Your email address will not be published. Required fields are marked *