Thu. Mar 28th, 2024
ല​ക്നോ:

പോ​ഷ​ക​സ​മൃ​ദ്ധ​മാ​യ ഉ​ച്ച​ഭ​ക്ഷ​ണം ഉ​റ​പ്പു​വ​രു​ത്തു​ന്ന കേ​ന്ദ്ര​സ​ര്‍​ക്കാ​രി​ന്റെ, സ്കൂ​ള്‍ ഉ​ച്ച​ഭ​ക്ഷ​ണപ​ദ്ധ​തി നി​ല​നി​ല്‍ക്കുമ്പോഴും ഉ​ത്ത​ര്‍​പ്ര​ദേ​ശി​ലെ സ​ര്‍​ക്കാ​ര്‍ സ്കൂ​ളി​ല്‍, വി​ദ്യാ​ര്‍ത്ഥി​ക​ള്‍ക്ക് ഉ​ച്ച​ഭ​ക്ഷണം വെറും ഉ​പ്പും റൊ​ട്ടിയും. സംഭവം വിവാദമായത്തോടെ നിരവധി രക്ഷകര്‍ത്താക്കളാണ് ഇതിനെതിരെ രംഗത്തെത്തിയിരിക്കുന്നത്. പിഞ്ചു കുട്ടികളുടെ ആരോഗ്യം സംരക്ഷിക്കേണ്ടതും ഉറപ്പുവരുത്തേണ്ടതുമായ ഒരു സർക്കാർ സ്ഥാപനത്തിൽ നിന്നുമാണ് ഇത്തരം നടപടി ഉണ്ടായിരിക്കുന്നതെന്നാണ് രക്ഷകർത്താക്കളുടെ പ്രതികരണം.

ഒ​രു വ​ര്‍​ഷ​മാ​യി ഇതാണ് സ്കൂളിലെ അവസ്ഥയെന്ന് മാ​താ​പി​താ​ക്ക​ള്‍ ആരോപിക്കുന്നു. ചി​ല​പ്പോഴൊക്കെ ഉ​പ്പും ചോ​റുമാണ് ന​ല്‍​കാറുള്ളത്. അ​പൂ​ര്‍​വ​മാ​യി മാ​ത്ര​മാ​ണ് പാ​ല് വിതരണം സംഭവിക്കുന്നത്. ഏ​ത്ത​പ്പ​ഴം ഇതുവരെ ന​ല്‍​കി​യി​ട്ടി​ല്ല. കേന്ദ്രം ഭരിക്കുന്ന ബി.​ജെ​.പി. സർക്കാർ തന്നെ സംസ്ഥാനവും ഭ​രി​ക്കു​ന്ന ഉത്തർപ്രദേശിലെ മി​ർസാ​പുർ ജി​ല്ല​യി​ലെ സ​ര്‍​ക്കാ​ര്‍ സ്കൂ​ളി​ലാണ് പിഞ്ചുങ്ങളോടുള്ള ഈ കൊടും ക്രൂരത.

മിർസാപൂർ സ്‌കൂളിലെ വിദ്യാർത്ഥികൾക്ക് ഉച്ചഭക്ഷണത്തിന് റൊട്ടിയും ഉപ്പും മാത്രം നൽകുന്നുവെന്ന റിപ്പോർട്ടുകൾക്കിടെ, കുട്ടികളോട് സർക്കാരിനോടുള്ള പെരുമാറ്റം അപലപനീയമാണെന്നു പറഞ്ഞുകൊണ്ട്, കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി ഉത്തർപ്രദേശിലെ ബി.ജെ.പി. സർക്കാരിനെതിരെ ആഞ്ഞടിച്ചുവെന്ന് ഫസ്റ്റ് പോസ്റ്റ് റിപ്പോർട്ടു ചെയ്തു.

“മിർസാപൂരിലെ ഒരു സ്കൂളിൽ ഉച്ചഭക്ഷണമായി വിദ്യാർത്ഥികൾക്ക് ഉപ്പും റൊട്ടിയും നൽകുന്നു. ഉത്തർപ്രദേശിലെ ബി.ജെ.പി. സർക്കാരിന്റെ അവസ്ഥ ഇതാണ്. സർക്കാർ നൽകുന്ന സൗകര്യങ്ങൾ ദിനം‌പ്രതി വഷളാവുകയാണ്. കുട്ടികളോടുള്ള ഇത്തരം പെരുമാറ്റം അപലപനീയമാണ്.” പ്രിയങ്ക ഗാന്ധി ട്വിറ്ററിൽ കുറിച്ചു.

ഒന്നു മു​ത​ല്‍ എ​ട്ട് വ​രെ ക്ലാ​സു​ക​ളി​ല്‍ പ​ഠി​ക്കു​ന്ന നൂ​റോ​ളം വി​ദ്യാ​ര്‍ത്ഥി​​ക​ള്‍ ഉച്ചഭക്ഷണമായി റൊ​ട്ടി​യും ഉ​പ്പും ക​ഴി​ക്കു​ന്ന​തി​ന്റെ ദൃശ്യങ്ങൾ സാമൂഹിക മാധ്യമങ്ങൾ വഴിയും വ്യാപിക്കുന്നുണ്ട്.

ഈ വിവാദ സംഭവത്തില്‍, അ​ന്വേ​ഷ​ണം ന​ട​ത്തി​യ വി​ദ്യാ​ഭ്യാ​സ വ​കു​പ്പ് അ​ധി​കൃ​തരും റി​പ്പോ​ര്‍​ട്ട് സ​ത്യ​മാ​ണെന്ന് സമ്മതിച്ചു. അന്വേഷണ റിപ്പോർട്ടിന് പിന്നാലെ, സ്കൂ​ളി​ന്റെ പ്രധാന അ​ധ്യാ​പ​ക​നെയും പ​ഞ്ചാ​യ​ത്ത് സൂ​പ്പ​ര്‍​വൈ​സ​റെയും സ​സ്പെ​ന്‍​ഡ് ചെ​യ്ത​താ​യി ഉ​ന്ന​ത സ​ര്‍​ക്കാ​ര്‍ ഉ​ദ്യോ​ഗ​സ്ഥ​നാ​യ അ​നു​രാ​ഗ് പ​ട്ടേ​ല്‍ വ്യക്തമാക്കി.

Leave a Reply

Your email address will not be published. Required fields are marked *