26 C
Kochi
Wednesday, October 16, 2019

Daily Archives: 23rd May 2019

വയനാട്:രാഹുൽ ഗാന്ധി വൻ ഭൂരിപക്ഷത്തിലേക്കു കുതിക്കുന്നു. കേരളത്തിൽ ഒരു തിരഞ്ഞെടുപ്പിലും ഒരു സ്ഥാനാർത്ഥിയും നേടാത്ത ഭൂരിപക്ഷമാണ് രാഹുൽ കരസ്ഥമാക്കിയിരിക്കുന്നത്. 56 ശതമാനം വോട്ട് എണ്ണിത്തീര്‍ന്നപ്പോള്‍ രാഹുല്‍ ഗാന്ധിക്ക് 392912 വോട്ടാണ് ലഭിച്ചത്. നിലവില്‍ 244648 വോട്ടിന്റെ ഭൂരിപക്ഷത്തോടെയാണ് രാഹുല്‍ മുന്നേറുന്നത്.
എറണാകുളം:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ഫലസൂചനകൾ അനുസരിച്ച് എറണാകുളം മണ്ഡലത്തിലെ യു.ഡി.എഫ്. സ്ഥാനാർത്ഥി ഹൈബി ഈഡൻ ഒരു ലക്ഷത്തിലധികം വോട്ടുകൾക്ക് മുന്നിൽ നിൽക്കുന്നു. ബി.ജെ.പി. സ്ഥാനാർത്ഥി അൽ‌ഫോൻസ് കണ്ണന്താനവും, എൽ.ഡി.എഫ്. സ്ഥാനാർത്ഥി പി.രാജീവും ആണ് ഹൈബി ഈഡന്റെ മുഖ്യ എതിരാളികൾ.
ഇം‌ഫാൽ:മണിപ്പൂരിലെ ആകെയുള്ള രണ്ട് ലോക്സഭ മണ്ഡലങ്ങളിൽ ഒന്നിൽ ബി.ജെ.പിയും മറ്റേതിൽ നാഗ പീപ്പിൾസ് ഫ്രന്റും മുന്നിട്ടു നിൽക്കുന്നു.2014 ലെ ലോക്സഭ തിരഞ്ഞെടുപ്പിൽ കോൺഗ്രസ്സാണ് 2 സീറ്റിലും വിജയിച്ചത്.
അഗർത്തല:ത്രിപുരയിലെ രണ്ടു ലോക്സഭ സീറ്റിലും ബി.ജെ.പി. സ്ഥാനാർത്ഥികൾ മുന്നിട്ടു നിൽക്കുന്നു. ബി.ജെ.പി. സ്ഥാനാർത്ഥിയായ പ്രതിമ ഭൌമിക് വെസ്റ്റ് ത്രിപുര ലോക്സഭ സീറ്റിലും, ബി.ജെ.പി. സ്ഥാനാർത്ഥിയായ രേബതി ഈസ്റ്റ് ത്രിപുര സീറ്റിലും മുന്നിലാണ്. 2014 ലെ ലോക്സഭ തിരഞ്ഞെടുപ്പിൽ രണ്ടു സീറ്റിലും സി.പി.ഐ (എം) ആയിരുന്നു ജയിച്ചത്.
ഗുവാഹത്തി:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് ആസ്സാമിലെ 14 ലോക്സഭ സീറ്റിലെ 9 എണ്ണത്തിൽ ബി.ജെ.പി. മുന്നിട്ടു നിൽക്കുന്നു. ആസാം ഗണ പരിഷത്ത് 2 സീറ്റിലും മുന്നിൽ നിൽക്കുന്നു.
പൊന്നാനി:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് മലപ്പുറത്തെ യു.ഡി.എഫ്. സ്ഥാനാർത്ഥി പി.കെ. കുഞ്ഞാലിക്കുട്ടി ഒരുലക്ഷത്തിലധികം വോട്ടുകൾക്കു മുന്നിലാണ്.സംസ്ഥാനത്തുടനീളം യു.ഡി.എഫ്. സ്ഥാനാർത്ഥികളാണ് മുന്നിൽ നിൽക്കുന്നത്.
ഭുവനേശ്വർ:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് ഒഡീഷയിൽ ബിജു ജനതാദൾ സ്ഥാനാർത്ഥികൾ 12 സീറ്റിലും, ബി.ജെ.പി. സ്ഥാനാർത്ഥികൾ 9 സീറ്റിലും മുന്നിട്ടു നിൽക്കുന്നു.
ലക്നൌ:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് ഉത്തർപ്രദേശിലെ 80 ലോക്സഭ സീറ്റിൽ 58 ലും ബി.ജെ.പി. മുന്നിൽ നിൽക്കുന്നു. ബി.എസ്.പി, എസ്. പി സഖ്യം 19 സീറ്റിൽ മുന്നിൽ നിൽക്കുന്നു.
പുതുച്ചേരി: ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് പുതുച്ചേരിയിൽ കോൺഗ്രസ് സ്ഥാനാർത്ഥി വി.വൈത്തിലിംഗം 70000 വോട്ടിനു മുന്നിൽ നിൽക്കുന്നു.
തൃശ്ശൂർ:ലോക്സഭ തിരഞ്ഞെടുപ്പിന്റെ വോട്ടെണ്ണൽ തുടങ്ങിയപ്പോൾ പുറത്തുവരുന്ന ആദ്യ ഫലസൂചനകൾ അനുസരിച്ച് തൃശൂര്‍ ലോക്സഭ മണ്ഡലത്തില്‍ യു.ഡി.എഫ്. സ്ഥാനാർത്ഥി ടി.എന്‍. പ്രതാപന്‍ 26230 വോട്ടുകള്‍ക്ക് മുന്നിൽ നിൽക്കുന്നു. സുരേഷ് ഗോപിയാണ് ബി.ജെ.പി സ്ഥാനാർത്ഥി. രാജാജി മാത്യു തോമസ് ആണ് ഇടതുപക്ഷ സ്ഥാനാർത്ഥി.