ചാമ്പ്യൻസ് ലീഗ് ഫുട്‌ബോളിന്റെ രണ്ടാംപാദ സെമിഫൈനലില്‍ ബാഴ്‌സലോണയെ എതിരില്ലാത്ത നാലു ഗോളുകള്‍ക്ക് തകര്‍ത്ത് ലിവര്‍പൂള്‍ ഫൈനലില്‍ പ്രവേശിച്ചു. ആദ്യപാദത്തിലെ മൂന്ന് ഗോള്‍ കടവുമായി രണ്ടാം പാദത്തില്‍ സ്വന്തം തട്ടകമായ ആന്‍ഫീല്‍ഡിലിറങ്ങിയ ലിവര്‍പൂള്‍ അത്ഭുത പ്രകടനമാണ് പുറത്തെടുത്തത്. ഇതോടെ ഇരുപാദങ്ങളിലുമായി 4-3 എന്ന ഗോള്‍ ശരാശരിയില്‍ ലിവര്‍പൂള്‍ ഫൈനലിലെത്തി.തോല്‍വി മുന്നില്‍ക്കണ്ടു കളിക്കിറങ്ങിയ ലിവര്‍പൂള്‍ ഉശിരന്‍ പോരാട്ടമാണ് പുറത്തെടുത്തത്. മത്സരം തുടങ്ങി ഏഴാം മിനിറ്റില്‍തന്നെ ലിവര്‍പൂള്‍ മുന്നിലെത്തി.