‘പി.എം നരേന്ദ്ര മോദി’ റിലീസ് സ്റ്റേ ചെയ്യണമെന്ന ആവശ്യം സുപ്രീം കോടതി തള്ളി

ന്യൂഡൽഹി:

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ജീ​വി​ത്തെ ആസ്പദമാക്കി ഒമംഗ് കുമാർ സംവിധാനം ചെയ്ത ‘പി​.എം നരേന്ദ്ര മോ​ദി’ എ​ന്ന സി​നി​മ​യു​ടെ റി​ലീ​സ് സ്റ്റേ ചെയ്യണമെന്ന് ആ​വ​ശ്യ​പ്പെ​ട്ട് സ​മ​ർ​പ്പി​ച്ച ഹർജി സു​പ്രീം കോ​ട​തി ത​ള്ളി. കലയുടെ മറവിൽ നടത്തുന്ന രാഷ്ട്രീയ പ്രചാരണമാണ് പ്രസ്തുത സിനിമ എന്നും അതിനാൽ തന്നെ പൊതു തിരഞ്ഞെടുപ്പ് വേളയിൽ ചിത്രം റിലീസ് ചെയ്യാൻ അനുവദിക്കരുതെന്നുമായിരുന്നു കോൺഗ്രസ് പ്രവർത്തകൻ അമൻ പൻവർ നൽകിയ ഹർജിയിൽ പറഞ്ഞിരുന്നത്.

എന്നാൽ സിനിമയുടെ സർട്ടിഫിക്കേഷൻ പോലും കഴിഞ്ഞിട്ടില്ലാത്ത സാഹചര്യത്തിൽ വിഷയത്തിൽ ഇ​ട​പെ​ടാ​നാ​കി​ല്ലെ​ന്നും, ഇത്തരം കേസുകൾ പ്രോത്സാഹിപ്പിക്കില്ലെന്നും, സി​നി​മയുടെ റിലീസ് പെ​രു​മാ​റ്റ ച​ട്ടലം​ഘ​ന​മാ​ണോ എ​ന്ന​ത് തിര​ഞ്ഞെ​ടു​പ്പ‌് ക​മ്മീ​ഷ​നാ​ണ് പ​രി​ഗ​ണി​ക്കേ​ണ്ട​തെ​ന്നും സു​പ്രീം കോ​ട​തി വ്യ​ക്ത​മാ​ക്കി. ചീഫ് ജസ്റ്റിസ് രഞ്ജൻ ഗൊഗോയിയുടെ നേതൃത്വത്തിലുള്ള ബെഞ്ചിന്റെതാണ് തീരുമാനം.

അ​തേ​സ​മ​യം, ഏ​പ്രി​ൽ 11 ന് ​സി​നി​മ റി​ലീ​സ് ചെ​യ്യാ​നാ​ണ് നിർമ്മാതാക്കളുടെ തീ​രു​മാ​നം. ന​രേ​ന്ദ്ര മോ​ദി​യു​ടെ കുട്ടിക്കാലം മുതൽ പ്ര​ധാ​ന​മ​ന്ത്രി പ​ദ​വി​യി​ലേ​ക്കു​ള്ള വളർച്ച വ​രെ​യു​ള്ള ജീ​വി​ത​മാ​ണ് ചി​ത്ര​ത്തി​ന്റെ ഇ​തി​വൃ​ത്തം. ചിത്രത്തിൽ ബോളിവുഡ് നടന്‍ വിവേക് ഒബ്‌റോയ് ആണ് മോദിയായി വേഷമിടുന്നത്.