Fri. Mar 29th, 2024
നി​യോ​ൺ:

യുവേഫ ചാമ്പ്യൻസ് ലീഗ് ഫുട്ബോൾ ക്വാർട്ടർ ഫൈനൽ ലൈനപ്പായി. അഞ്ചു തവണ ചാമ്പ്യന്മാരായ ബാഴ്‌സലോണയും, മൂന്നു തവണ കപ്പിൽ മുത്തമിട്ട മാഞ്ചസ്റ്റർ യുണൈറ്റഡും തമ്മിൽ ഏറ്റുമുട്ടുന്നതാകും ക്വർട്ടറിലെ ഗ്ലാമർ പോരാട്ടം. ഇം​ഗ്ലീ​ഷ്​ ക്ല​ബു​ക​ളാ​യ മാ​ഞ്ച​സ്​​റ്റ​ർ സി​റ്റി​യും ടോ​ട്ട​ൻ​ഹാ​മും നേ​ർ​ക്കു​നേ​ർ ഏ​റ്റു​മു​ട്ടുമ്പോൾ, ക്രി​സ്​​റ്റ്യാ​നോ​യു​​ടെ യു​വ​ൻ​റ​സി​ന്​ അ​യാ​ക്​​സാ​ണ്​ എ​തി​രാ​ളി. മ​റ്റൊ​രു ഇം​ഗ്ലീ​ഷ്​ ക്ല​ബാ​യ ലി​വ​ർ​പൂ​ളി​ന്,​ പോർട്ടോയാണ്​ എ​തി​രാ​ളി.

യുവേഫ ചാമ്പ്യൻസ് ലീഗിൽ ബാഴ്സയെ ഒരിക്കൽ മാത്രമാണ് മാഞ്ചസ്റ്റർ യുണൈറ്റഡിന് തോൽപ്പിക്കാനായത്. അന്ന് സെമിയിൽ ബാഴ്സയെ ഏകപക്ഷീയമായ ഒരു ഗോളിന് തോൽപ്പിച്ച യുണൈറ്റഡ് ഫൈനലിൽ ചെൽസിയെയും മറികടന്ന് കിരീടം നേടുകയും ചെയ്തു. യുണൈറ്റഡിന്റെ അവസാനത്തെ ചാമ്പ്യൻസ് ലീഗ് കിരീടനേട്ടമായരുന്നു അത്. അഞ്ചു തവണ ഇരുവരും ഏറ്റമുട്ടിയപ്പോൾ നാലു മത്സരങ്ങൾ സമനിലയിൽ കലാശിച്ചു. മൂന്ന് തവണ ബാഴ്സയ്ക്കായിരുന്നു ജയം. 2009 ലും 2011 ലും നടന്ന മത്സരങ്ങളിലും ബാഴ്സയ്ക്കായിരുന്നു ജയം. ബാ​ഴ്​​സ​ക്ക്​ ആ​ദ്യ​പാ​ദ മ​ത്സ​രം ഓൾഡ് ട്രാഫോഡിലാണ്.

യൂ​റോ​പ്പ് ലീ​ഗി​ൽ ആ​ഴ്​​സ​ന​ലും നാ​പോ​ളി​യും ക്വാ​ർ​ട്ട​ർ ഫൈ​ന​ലി​ൽ നേ​ർ​ക്കു​നേ​ർ ഏ​റ്റു​മു​ട്ടും. മ​റ്റൊ​രു ഇം​ഗ്ലീ​ഷ്​ ക്ല​ബാ​യ ചെ​ൽ​സി​ക്ക്​ സ്​​ലാ​വി​യ​യാ​ണ്​ എ​തി​രാ​ളി. സ്​​പാ​നി​ഷ്​ ക്ല​ബു​ക​ളാ​യ വ​ല​ൻ​സി​യും വി​യ്യാ​റ​യ​ലും നേ​ർ​ക്കു​നേ​ർ ഏറ്റുമുട്ടുമ്പോൾ, ബെ​ൻ​ഫി​ക്ക​ക്ക്​ ഫ്രാ​ങ്ക്​​ഫ​ർ​ട്ടാ​ണ്​ എ​തി​രാ​ളി. ഏപ്രിൽ 11, 18 തീ​യ​തി​ക​ളി​ലാ​ണ്​ മ​ത്സ​ര​ങ്ങ​ൾ.

Leave a Reply

Your email address will not be published. Required fields are marked *