ഒമാനിൽ വി​ദേ​ശ തൊ​ഴി​ലാ​ളി​ക​ൾക്കുള്ള മാർഗനിർദ്ദേശങ്ങളുമായി ഇ​ല്ല​സ്​​ട്രേ​റ്റ​ഡ്​ വീ​ഡി​യോ പുറത്തിറക്കി

മ​സ്​​ക​റ്റ്​:

വി​ദേ​ശ തൊ​ഴി​ലാ​ളി​ക​ൾ പാ​ലി​ക്കേ​ണ്ട മാ​ർ​ഗനി​ർദ്ദേശ​ങ്ങ​ൾ ഉൾപ്പെടുത്തിയ ഇ​ല്ല​സ്​​ട്രേ​റ്റ​ഡ്​ വീ​ഡി​യോ, ഒമാൻ മാ​ന​വ​വി​ഭ​വ​ശേ​ഷി മ​ന്ത്രാ​ല​യം പ്ര​സി​ദ്ധീ​ക​രി​ച്ചു. ഒമാനിൽ, മോ​ശം സാ​ഹ​ച​ര്യ​ത്തി​ൽ വി​ദേ​ശ​തൊ​ഴി​ലാ​ളി​ക​ൾ ജോ​ലി​യെ​ടു​ക്കു​ന്ന വീ​ഡി​യോ സാമൂഹിക​മാ​ധ്യ​മ​ങ്ങ​ളി​ൽ വൈ​റ​ലാ​യ​തി​നെ തു​ട​ർ​ന്ന്​ മ​ന്ത്രാ​ല​യം കൈ​ക്കൊ​ണ്ട ന​ട​പ​ടി​ക​ളു​ടെ ഭാ​ഗ​മാ​യാ​ണ്​ വീ​ഡി​യോ പു​റ​ത്തി​റ​ക്കി​യ​ത്.

ഒ​മാ​നി​ൽ ജോ​ലി​ ചെയ്യുമ്പോൾ, എ​ന്തെ​ല്ലാം കാ​ര്യ​ങ്ങ​ളി​ൽ അ​ർ​ഹ​ത​യും നി​യ​മ​പ​രി​ര​ക്ഷ​യും ഉ​ണ്ടെ​ന്ന​കാ​ര്യം വി​ദേ​ശ​തൊ​ഴി​ലാ​ളി​ക​ൾ​ക്ക്​ മ​ന​സ്സി​ലാ​ക്കാ​ൻ സാ​ധി​ക്കു​ന്ന​താ​ണ്​ വീ​ഡി​യോ. അ​വ​കാ​ശ​ങ്ങ​ൾ ലം​ഘി​ക്ക​പ്പെ​ടു​ക​യോ, ശ​മ്പ​ളം വൈ​കു​ന്ന​ത​​ട​ക്കം ​പ്ര​ശ്​​ന​ങ്ങ​ൾ നേ​രി​ടു​ക​യോ ചെ​യ്​​താ​ൽ, മ​ന്ത്രാ​ല​യ​ത്തി​ൽ തൊ​ഴി​ലു​ട​മയ്ക്കെ​തി​രെ പ​രാ​തി സ​മ​ർ​പ്പി​ക്കാം. മ​ന്ത്രാ​ല​യ​ത്തി​ന്റെ വെ​ബ്​​സൈ​റ്റി​ൽ ഇ​തി​ന്​ സൗകര്യമേർപ്പെടുത്തിയിട്ടുണ്ടെന്നും വീ​ഡി​യോയിൽ വിവരിക്കുന്നുണ്ട്.

തൊ​ഴി​ലാ​ളി​യും തൊ​ഴി​ലു​ട​മ​യും ത​മ്മി​ലു​ള്ള പ്ര​ശ്​​നം പ​രി​ഹ​രി​ക്കാ​ൻ മ​ന്ത്രാ​ല​യ​ത്തി​നാ​ണ്​ അ​ധി​കാ​ര​മു​ള്ള​ത്. നി​യ​മ​പ്ര​കാ​ര​മു​ള്ള തൊ​ഴി​ലു​ട​മ​യി​ൽ​നി​ന്ന്​ ഒ​ളി​ച്ചോ​ട​രു​ത്. അ​ന​ധി​കൃ​ത​മാ​യി തൊ​ഴി​ലെ​ടു​ക്കു​ന്ന​ത്​ ശി​ക്ഷാ​ർ​ഹ​മാ​യ കു​റ്റ​മാ​ണെ​ന്നും വി​ഡി​യോ ചൂ​ണ്ടി​ക്കാ​ണി​ക്കു​ന്നു. ലേ​ബ​ർ​കാ​ർ​ഡ്, ത​ർ​ക്ക​പ​രി​ഹാ​രം, പ്ര​തി​മാ​സ​വേ​ത​ന​ത്തി​നു​ള്ള അ​വ​കാ​ശം, അ​ധി​ക​സ​മ​യ ജോ​ലി​ക്കു​ള്ള നി​ര​ക്കു​ക​ൾ തു​ട​ങ്ങി​യ വി​ഷ​യ​ങ്ങ​ളും വീ​ഡി​യോ​യി​ൽ പ്ര​തി​പാ​ദി​ക്കു​ന്നു​ണ്ട്. മ​തി​യാ​യ സൗ​ക​ര്യ​ങ്ങ​ൾ ന​ൽ​കു​ന്നു​ണ്ടെ​ന്ന്​ ഉ​റ​പ്പാ​ക്കാ​ൻ പ​തി​വാ​യി പ​രി​ശോ​ധ​ന​ക​ൾ ന​ട​ത്തി​വ​രാ​റു​ണ്ടെ​ന്നും, നി​യ​മ​ലം​ഘ​നം ക​ണ്ടെ​ത്തു​ന്ന​വ​ർ​ക്കെ​തി​രെ മ​തി​യാ​യ ന​ട​പ​ടി എ​ടു​ക്കാ​റു​ണ്ടെ​ന്നും മ​ന്ത്രാ​ല​യം ക​ഴി​ഞ്ഞ​ദി​വ​സം പ്ര​സ്​​താ​വ​ന​യി​ൽ അ​റി​യി​ച്ചി​രു​ന്നു.