ചന്ദൻ ഗുപ്തയുടെ കൊലപാതകം; രണ്ടുപേർ കൂടി അറസ്റ്റിൽ

കസ്‌ഗഞ്ച്

ജനുവരി 26 നു നടന്ന കലാപത്തിൽ കൊല്ലപ്പെട്ട ചന്ദൻ ഗുപ്തയുടെ കൊലപാതകത്തിൽ പങ്കുണ്ടെന്നു സംശയിക്കുന്ന രണ്ടുപേരെക്കൂടി പൊലീസ് ബുധനാഴ്ച അറസ്റ്റു ചെയ്തു. നസീം, വസീം എന്നിവരാണ് അറസ്റ്റിലായത്. രണ്ടു തോക്കുകളും രണ്ടു വെടിയുണ്ടകളും അവരുടെ പക്കലുണ്ടായിരുന്നു. ചൊവ്വാഴ്ച, സൽമാൻ എന്നൊരാളും ഈ കേസുമായി ബന്ധപ്പെട്ട് അറസ്റ്റിലായിരുന്നു. ഫെബ്രുവരി 3 ന് റാഹത്ത് ഖുറേഷി എന്നൊരാളേയും പൊലീസ് അറസ്റ്റു ചെയ്തിരുന്നു.

ജനുവരി 26 നു എ. ബി. വി. പി. നടത്തിയ ബൈക്ക് റാലിക്കിടെയുണ്ടായ സംഘർഷത്തിൽ കൊല്ലപ്പെട്ട ചന്ദൻ ഗുപ്തയുടെ കൊലപാതകത്തിലെ പ്രധാനപ്രതിയായ സലീം ജനുവരി 31 ന് പൊലീസ് പിടിയിലായിരുന്നു.